«كورسەتىلگەن قاۋلىعا 1-قوسىمشامەن بەكىتىلگەن سپورتشىلار مەن جاتتىقتىرۋشىلارعا ءومىر بويى اي سايىنعى ماتەريالدىق قامسىزداندىرۋدى تولەۋ مولشەرىنىڭ 1-تارماعى مىناداي رەداكتسيادا جازىلسىن:
سپورتشىلار مەن جاتتىقتىرۋشىلارعا ءومىر بويى اي سايىنعى ماتەريالدىق قامسىزداندىرۋ (بۇدان ءارى – ماتەريالدىق قامسىزداندىرۋ) مىناداي مولشەردە (بۇدان ءارى – مولشەر) تولەنەدى:
وليمپيادا, پاراليمپيادا جانە سۋردليمپيادا ويىندارىنىڭ چەمپيوندارى مەن جۇلدەگەرلەرى جانە (نەمەسە) سپورتتىڭ وليمپيادالىق تۇرلەرى بويىنشا الەم چەمپيوندارى اتاقتارىن جەڭىپ العان سپورتشىلارعا – 100 ايلىق ەسەپتىك كورسەتكىش;
وليمپيادا, پاراليمپيادا جانە سۋردليمپيادا ويىندارىنىڭ چەمپيوندارى جانە جۇلدەگەرلەرى, جانە (نەمەسە) سپورتتىڭ وليمپيادالىق تۇرلەرى بويىنشا الەم چەمپيوندارى اتاقتارىن جەڭىپ العان سپورتشىلاردى دايىنداعان جاتتىقتىرۋشىلارعا – 100 ايلىق ەسەپتىك كورسەتكىش» (بۇل 2021 جىلى 291 700 تەڭگەنى قۇرايدى).
وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى», دەپ جازىلعان جوبادا.
قازىرگى ۋاقىتتا سپورتشىلار مەن جاتتىقتىرۋشىلارعا اي سايىنعى ماتەريالدىق قولداۋ ءۇشىن بەرىلەتىن تولەمدەر 101 898 مىڭ تەڭگەنى قۇرايدى.
جوبا نەگىزدەمەسىندە «جوعارى سپورتتىق ناتيجەگە جەتۋ ءۇشىن الەمدىك تاجىريبەنى ەسكەرە وتىرىپ, سپورتشى, جاتتىقتىرۋشى مارتەبەسىن كوتەرىپ, ماتەريالدىق قولداۋ كورسەتۋ قاجەت. مىسالى, رەسەيدە سپورتشىلار مەن جاتتىقتىرۋشىلارعا الەۋمەتتىك قولداۋ ايىنا 60 000 رۋبل مولشەرىندە بەلگىلەنگەن, بۇل شامامەن 352 000 تەڭگە», دەپ جازىلعان.
جوبا 14 قازانعا دەيىن كوپشىلىك تالقىلاۋىنا اشىق.
