سپورت • 21 ءساۋىر، 2021

ەلداناعا ەل ريزا

251 رەت كورسەتىلدى

بۇل كۇندەرى پولشانىڭ كەلتس قالاسىندا ءوتىپ جاتقان جاستار اراسىنداعى الەم بىرىنشىلىگىندە قازاقستاننىڭ بوكسشىلارى تابىستى ونەر كورسەتكەنى بەلگىلى. ءداپ قازىرگى كەزدە 10 بىردەي ورەنىمىز جەڭىس تۇعىرىنا كوتەرىلىپ، سولاردىڭ التاۋى الداعى كۇندەرى باس جۇلدە ءۇشىن تالاسادى، دەپ حابارلايدى Egemen.kz

ايتۋلى جارىستا قازاقستان قۇراماسىنىڭ قورجىنىنا العاشقى جۇلدەنى سالعان الماتى وبلىسىنىڭ تۋماسى ەلدانا ءتالىپوۆا ەكەنى ءمالىم. اسا اۋىر سالماق دارەجەسىندە كۇش سىناسىپ جۇرگەن قازاق قىزى شيرەك فينالدىق سايىستا ۋكراينانىڭ وكىلى ۆيكتوريا لەۆچۋكتى ەكىنشى راۋندا ەسىنەن تاندىرىپ، جارتىلاي فينالعا جولداما الدى. بۇل مەجەدە ەلدانانىڭ جولى بولمادى. اسا شيەلەنىستى وتكەن باسەكەدە ول مولدوۆا بوكسشىسى داريا كوزورەزگە ەسە جىبەرىپ قولا مەدالدى قاناعات تۇتتى. دەسەك تە ءتالىپوۆانىڭ ونەرى ماماندار تاراپىنان جوعارى باعالاندى.

بۇگىن  ەلدانا ءتالىپوۆانىڭ العاشقى باپكەرى دارحان قابىلانبەكوۆپەن جولىعىپ، ايتۋلى بىلعارى قولعاپ شەبەرى جايىندا ءبىراز ماعلۇمات الدىق. دارحاننىڭ ءوزى دە كەزىندە وسى سپورت تۇرىمەن شۇعىلدانىپ، ازدى-كەمدى تابىستارعا قول جەتكىزگەن ەكەن. سونىمەن قاتار، كيكبوكس جانە قويان-قولتىق ايقاستان دا ءتۇرلى جارىستاردا ونەر كورسەتىپ، ءبىراز جارىستاردا قانجىعاسى مايلانعان كورىنەدى. قازىرگى كەزدە دارحان ءوزىنىڭ دوسى، قازاقستان رەسپۋبليكاسىنا ەڭبەك سىڭىرگەن جاتتىقتىرۋشى دارحان سادۋاقاسوۆ جانە تانىمال كيكبوكسشى نۇربولات تاشپەن بىرگە «دارىن» پروموۋتەرلىك كومپانياسىن قۇرىپ، وتاندىق كاسىپقوي بوكستى دامىتۋعا بارىنشا ات سالىسۋدا. ايتۋلى پروموۋشەننىڭ ۇيىمداستىرۋىمەن جەتىسۋ وڭىرىندە بىرقاتار ءدۇبىرلى دودالاردىڭ ۇيىمداستىرىلعانىن جانكۇيەرلەر جاقسى بىلەدى. 

–  مەن بىرەر جىل الماتى وبلىسى ىلە اۋدانىندا باپكەر بولىپ ەڭبەك ەتىپ، بوكس ونەرىنە اڭسارى اۋعان جاستاردى جاتتىقتىردىم. سولاردىڭ قاتارىندا ەلدانا ءتالىپوۆا دا بار. ونى مەن قازتسيكتەگى ورتا مەكتەپتىڭ سەگىزىنشى سىنىبىندا وقىپ جۇرگەن كەزىندە بايقادىم. ءوز قۇربىلارىنان بويى ەداۋىر ۇزىن قىزعا بىردەن كوڭىلىم ءتۇسىپ، وعان بوكسپەن اينالىسۋ جايىندا ۇسىنىس ايتتىم. الدىن-الا ەلدانانىڭ اپاسى جۇپار وماروۆادان رۇقسات سۇراپ، سول كىسىنىڭ اق باتىسىن الدىم. سودان جاتتىعۋ جۇمىستارىنا كىرىسىپ، شاكىرتىمنىڭ شەبەرلىگىن ابدەن شىندادىم. ناتيجەسى جامان بولعان جوق. ەلدانا ءوزى قاتىسقان جارىستاردىڭ بارلىعىندا جۇلدەلى ورىنداردى يەلەنىپ، ۇنەمى جەڭىس تۇعىرىنا كوتەرىلدى. مىنە، ەندى جاستار اراسىنداعى الەم بىرىنشىلىگىندە قولا مەدالدى موينىنا ءىلدى. مەن شاكىرتىمەن ءدان ريزامىن. الداعى ۋاقىتتا ەلدانانىڭ باعىندىرعان بەلەستەرى بۇدان دا بيىك بولاتىنىنا ءوز باسىم ەش ءشۇبا كەلتىرمەيمىن، –  دەپ دارحان قابىلانبەكوۆ اعىنان جارىلدى.

ايتقانداي-اق، ەلدانا ءتالىپوۆا قىسقا عانا مەرزىم ارالىعىندا ءوز قۇربىلارىنىڭ الدى بولدى. ورتا مەكتەپتە وقىپ جۇرگەن كەزدىڭ وزىندە بىرقاتار رەسپۋبليكالىق جانە حالىقارالىق تۋرنيرلەردە اتوي سالدى. ءالى ەسىمىزدە، 2017 جىلى 15 جاسار ەلدانا شۆەتسياعا ساپار شەگىپ، «التىن قىزدار» دەپ اتالاتىن ءدۇبىرلى دودادا التىننان القا تاعىنعانى. فينالدىق سايىستا ول يرلانديالىق لورەن لايوندى 90 سەكۋند ارالىعىندا ۇرىپ جىققانى جايىندا سول كەزدە بارلىق گازەتتەر جارىسا جازعان ەدى. سودان كەيىن ۋكراينا، رەسەي جانە تاعى باسقا مەملەكەتتەردە جالاۋى جەلبىرگەن جارىستاردا ءتالىپوۆا باس جۇلدەنى ولجالادى.

جاسوسپىرىمدەر مەن جاستار بۋىنى اراسىنداعى قازاقستان بىرىنشىلىگىندە قارسىلاس شاق كەلتىرمەگەن ەلدانا ءتالىپوۆا بيىل پولشادا وتكەن الەمدىك دودادا قازاق ەلى نامىسىن قورعادى. جاۋاپتى جارىستا ول جانكۇيەرلەر سەنىمىنە سەلكەۋ تۇسىرمەي، ەلگە قولا مەدالمەن ورالدى. ەلدانىنىڭ ەندىگى ماقساتى – قازاقستاننىڭ ايەلدەر قۇراماسى ساپىنا ەنىپ، بايراقتى باسەكەلەردە تابىستى ونەر كورسەتۋ.  

سوڭعى جاڭالىقتار

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

حاۆي باس باپكەر بولا ما؟

فۋتبول • بۇگىن، 11:25

دوللار باعاسى تاعى كوتەرىلدى

ەكونوميكا • بۇگىن، 11:23

43 جىلدان كەيىنگى ءىرى جەڭىلىس

فۋتبول • بۇگىن، 09:55

ءتورتىنشى مارتە ۇتىلدى

حوككەي • بۇگىن، 09:32

كەشەگىنىڭ كەبەجەسى

تاريح • بۇگىن، 09:30

جاس سۋرەتشىلەر جيىنى

ايماقتار • بۇگىن، 09:28

جولداما ءۇشىن جانتالاس

سپورت • بۇگىن، 09:20

ءتىل – ۇلتتىڭ ۇياتى

قازاقستان • بۇگىن، 09:17

قىش قۇپياسى

ونەر • بۇگىن، 09:13

بوساڭسۋعا بولمايدى

كوروناۆيرۋس • بۇگىن، 09:07

ءۇش ەمحانا ەكپە ەگۋدى اياقتادى

كوروناۆيرۋس • بۇگىن، 09:02

«دەگدار» سىيلاعان دومبىرا

ەلوردا • بۇگىن، 09:00

تاريحتىڭ كوشباسشى ۇلى ۇمىتىلمايدى

قازاقستان • بۇگىن، 08:59

برازيليامەن ساۋدا اينالىمى ارتتى

ەكونوميكا • بۇگىن، 08:50

ءشول شىنارى

ونەر • كەشە

قازاق بوكسىنىڭ ءباھادۇرى

قازاقستان • كەشە

جۇبايلار جىرى

ونەر • كەشە

ۇلت ۇراندى اقىن

ادەبيەت • كەشە

باررەل كوتەرىلگەن بيىك

ەكونوميكا • كەشە

ۇقساس جاڭالىقتار