سپورت • 09 ءساۋىر، 2021

يۋليا پۋتينتسەۆا ءتورتىنشى كەزەڭگە شىقتى

17 رەت كورسەتىلدى

قازاقستاندىق تەننيسشى يۋليا پۋتينتسەۆا اقش-تىڭ چارلستون قالاسىندا ءوتىپ جاتقان «‎Volvo Cars Open»‎ ءتۋرنيرىنىڭ ءتورتىنشى كەزەڭىنە جولداما الدى، دەپ حابارلايدى Egemen.kz.

جۇلدە قورى 565 530 دوللاردى قۇرايتىن جارىستىڭ تۇساۋكەسەر كەزدەسۋىندە ۇلىبريتانيالىق حەرريەت دارتتان ايلاسىن اسىرعان جەرلەسىمىز كەلەسى اينالىمدا ءوزىنىڭ وتانداسى زارينا دياستان باسىم ءتۇستى. ءۇشىنشى كەزەڭدە گاربينە مۋگۋرۋسامەن شەبەرلىك بايقاستى. بۇل كۇندەرى الەمدىك رەيتينگتە 13 ورىندا تۇرعان يسپانيانىڭ وكىلى كەزىندە رولان گارروس جانە ۋيمبلدون تۋرنيرلەرىندە توپ جارىپ، اۋستراليانىڭ اشىق بىرىنشىلىگىنىڭ فينالىندا ونەر كورسەتكەن. العاشقى سەتتە مۋگۋرۋسا پۋتينتسەۆانىڭ 6:0 ەسەبىمەن تاس-تالقانىن شىعاردى. ەكىنشى سەتتە ەسەپ 2:2-گە جەتكەندە ايگىلى تەننيسشى اياعىن جاراقاتتان العانى سالدارىنان جارىستى جالعاستىرا المادى. وسىلايشا، وتانداسىمىز ءتورتىنشى اينالىمعا جولداما الدى.

ەندى يۋليا پۋتينتسەۆا چەرنوگوريالىق دانكا كوۆينچيچ پەن چەحيالىق پەترا كۆيتوۆا اراسىنداعى كەزدەسۋدىڭ جەڭىمپازىمەن كۇش سىناسادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار