سپورت • 06 ءساۋىر، 2021

كارلسرۋەدە بوكس كەشى وتەدى

27 رەت كورسەتىلدى

17 ساۋىردە گەرمانيانىڭ كارلسرۋە قالاسىندا كاسىپقوي بوكس كەشى وتەدى. ايتۋلى جارىستا قازاقتىڭ بەلدى بىلعارى قولعاپ شەبەرى ايدوس ەربوسىن ۇلى دا ونەر كورسەتەدى، دەپ حابارلايدى Egemen.kz.

بىردەن ايتا كەتەيىك، بۇل كوپ جەكپە-جەكتەردىڭ ءبىرى ەمەس. ەكىنشى ورتا سالماقتاعى ەربوسىن ۇلى كاسىپقوي رينگتە 2015 جىلدان بەرى كۇش سىناسىپ ءجۇر. سول كەزدەن بەرى 15 رەت شارشى الاڭعا شىعىپ، بارلىق باسەكەدە مەرەيى ۇستەم بولدى. 10 قارسىلاسىن نوكاۋتپەن ۇتتى. قازاقستاننان بولەك، ول ۋكراينا، اقش، اۋستراليا، رەسەي جانە بەلارۋس ەلدەرىندە جۇدىرىقتاستى. سوڭعى كەزدەسۋىن قانداسىمىز بىلتىرعى جىلدىڭ 16 جەلتوقسانىندا نۇر-سۇلتاندا وتكىزىپ، گانالىق يسا ءساميردى ءۇشىنشى راۋندتا تەحنيكالىق نوكاۋتپەن ۇتتى. قازىرگى كەزدە ايدوس WBC Asian، WBA International جانە WBO Global نۇسقاسىنىڭ التىن بەلبەۋىنىڭ يەگەرى. قانات وراقباەۆتىڭ شاكىرتى ەندى رەسەيلىك ەۆگەني شۆەدەنكومەن شەبەرلىك بايقاسادى. بۇل جەكپە-جەكتە جەڭىسكە جەتكەن بوكسشى IBF نۇسقاسىنىڭ چەمپيوندىق اتاعى ءۇشىن سايىسقا تۇسەدى. قازاقتىڭ قايسار ۇلى وسى تاماشا مۇمكىندىكتى قالت جىبەرمەيدى دەگەن ويدامىز.

ايدوس ەربوسىن ۇلىنىڭ قارسىلاسى جايىندا ايتار بولساق، 30 جاستاعى ەۆگەني شۆەدەنكو رەسەيدىڭ قيىر شىعىسىندا دۇنيەگە كەلگەن. كاسىپقويلار اراسىندا جۇدىرىقتاسىپ جۇرگەنىنە التى جىلعا جۋىقتادى. سول ارالىقتا15 كەزدەسۋ وتكىزىپ، بارلىعىن جەڭىسپەن اياقتاعان ول التى باسەكەدە ايقىن باسىمدىق تانىتتى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار