تاراپتار مەديتسينالىق ۇيىم, ونىڭ ىشىندە Covid-19 ىندەتىنە جانە پنەۆمونياعا قارسى كۇرەسكە تارتىلعان ستاتسيونارلىق ەمدەۋ مەكەمەلەرى, ءدارىحانالار مەن دارىحانالىق كوتەرمە ساۋدا قويمالارى, سونداي-اق قايىرىمدىلىق جانە گۋمانيتارلىق كومەكتى بولەتىن ۇيىمدار قىزمەتىنىڭ تيىمدىلىگىن, اشىقتىعىن ارتتىرۋ جونىندەگى ماقساتتاردى ىسكە اسىرۋدا ءوزارا ءىس-قيمىل جاساۋعا نيەتتى. بۇدان باسقا, حالىقتى سىبايلاس جەمقورلىققا قارسى ءىس-قيمىل پروتسەسىنە تارتۋ جانە ازاماتتاردىڭ مەملەكەت پەن جەرگىلىكتى باسقارۋ ورگاندارىنىڭ قىزمەتىنە سەنىم ارتتىرۋ ءۇشىن قوعامدىق مۇددەلەردى قورعاۋعا باعىتتالعان ازماتتىق باستامالاردى ىسكە اسىرۋ شەڭبەرىندەگى ىنتىماقتاستىق كوزدەلگەن.
دەنساۋلىق ساقتاۋ مينيسترلىگى مەن «قوعامدىق باقىلاۋ جانە مونيتورينگ» رقب دەنساۋلىق ساقتاۋ سالاسىندا ۇزاق مەرزىمدى ارىپتەستىك بايلانىستى دامىتۋعا ىقپال ەتەتىن جاعداي جاساۋعا, سونداي-اق ورنىقتى جانە ۇيلەسىمدى دامۋ قاعيداتتارىنا سايكەس قوعامداعى وڭ وزگەرىستەرگە باعىتتالعان جوبالاردى قالىپتاستىرۋ جانە قولداۋ بويىنشا پراكتيكالىق قادامداردى جۇزەگە اسىرۋعا كەلىستى. اتاپ ايتقاندا, قازاقستانداعى وبلىستار مەن قالالاردا گۋمانيتارلىق جانە الەۋمەتتىك ماڭىزى بار جوبالاردى بىرلەسىپ ىسكە اسىرۋ, قوعامدىق مونيتورينگ سالاسىندا باقىلاۋ جۇرگىزەتىن جۇمىس توپتارىن قۇرۋ جوسپارلانعان.
ا.تسوي اتاپ وتكەندەي, دەنساۋلىق ساقتاۋ مينيسترلىگى مەديتسينالىق كومەكتىڭ ساپاسىن جاقسارتۋ جانە ءدارى-دارمەكپەن ۇزدىكسىز قامتاماسىز ەتۋ ماقساتىندا وسى جۇمىس فورماتىن قولدايدى.
