ءىس-شاراعا رەسەي قاۋىپسىزدىك كەڭەسىنىڭ حاتشىسى ن.پاترۋشەۆ, ازەربايجان قاۋىپسىزدىك كەڭەسىنىڭ حاتشىسى ر.ۋسۋبوۆ, ارمەنيا قاۋىپسىزدىك كەڭەسىنىڭ حاتشىسى ا.گريگوريان, قىرعىزستان قاۋىپسىزدىك كەڭەسىنىڭ حاتشىسى ر.مۋساەۆ, تاجىكستان قاۋىپسىزدىك كەڭەسىنىڭ حاتشىسى ن.ماحمۋدزودا, وزبەكستان رەسپۋبليكاسى پرەزيدەنتىنىڭ جانىنداعى قاۋىپسىزدىك كەڭەسىنىڭ حاتشىسى ۆ.ماحمۋدوۆ, تۇرىكمەنستان مەملەكەتتىك قاۋىپسىزدىك كەڭەسىنىڭ حاتشىسى چ.امانوۆ, بەلارۋس قاۋىپسىزدىك كەڭەسى مەملەكەتتىك حاتشىسىنىڭ ورىنباسارى ۆ.ارچاكوۆ, اتقارۋ كوميتەتىنىڭ توراعاسى – تمد اتقارۋشى حاتشىسى س.لەبەدەۆ, ۇقشۇ باس حاتشىسى س.زاس قاتىستى.
فورۋم بارىسىندا دوستاستىق ەلدەرىندەگى بۇگىنگى سىن-قاتەرلەر جاعدايىنداعى ىنتىماقتاستىق ماسەلەلەرىنىڭ كەڭ سپەكترى قارالدى.
سونىڭ ىشىندە كوروناۆيرۋس ىندەتىنىڭ تارالۋىنا قارسى كۇرەس پەن جاڭا بيولوگيالىق قاۋىپتەرگە قارسى ءىس-قيمىل كەزىندەگى مەملەكەتارالىق شارالار, اقپاراتتىق كەڭىستىكتى قورعاۋ سالاسىنداعى ىنتىماقتاستىق ماسەلەلەرى, توتەنشە جاعدايلاردىڭ سالدارىن ەڭسەرۋ جونىندەگى ءوزارا ءىس-قيمىل, اۋعانستانداعى قازىرگى احۋال جانە باسقا دا باعىتتار تالقىلاندى.
اسەت يسەكەشەۆ ءوز سوزىندە ايماقتىق قاۋىپسىزدىكتىڭ ەڭ وزەكتى ماسەلەلەرىنە, تمد ەلدەرىندەگى تاۋەكەلدەر مەن قاۋىپتەردى ازايتۋعا ءمان بەردى. اتاپ ايتقاندا, كوروناۆيرۋس ىندەتىنىڭ تارالۋىنا قارسى كۇرەس, سۋ-ەكولوگيالىق جانە ازىق-ت ۇلىك قاۋىپسىزدىگى, كيبەرقاۋىپسىزدىكتى قامتاماسىز ەتۋ, ەسىرتكىنىڭ زاڭسىز اينالىمىنا, تەرروريزم مەن ەكسترەميزمگە قارسى كۇرەستە بىرلەسكەن جۇمىستاردىڭ قاجەت ەكەنىنە نازار اۋداردى.
