34 جاستاعى ايەل ءوزىن كوپقاباتتى ۇيلەردىڭ كىرەبەرىستەرىن تازالاۋشى رەتىندە تانىستىرىپ, كوپ پاتەرلى ۇيلەردىڭ تۇرعىندارىنان اقشا جيناعان. ول جالعان سىلتاۋمەن 87 جاستاعى زەينەتكەردىڭ پاتەرىنە كىرىپ, جابىرلەنۋشىنىڭ سومكەسىنەن توعىز مىڭ تەڭگە اقشاسىن ۇرلاعان. جەدەل-ىزدەستىرۋ ءىس-شارالارىن جۇرگىزۋ بارىسىندا رۋدنىي قالاسىنىڭ پب كريمينالدىق پوليتسيا ءبولىمىنىڭ قىزمەتكەرلەرى كۇدىكتىنى انىقتادى.
زارداپ جەككەن زەينەتكەر جالعان تازالاۋشىنىڭ ءتۇرىن بىردەن تانىعان. بۇعان دەيىن كۇدىكتى وسىعان ۇقساس 13 قىلمىس جاساعانى ءۇشىن قىلمىستىق جاۋاپكەرشىلىككە تارتىلعان. قازىرگى تاڭدا بۇل فاكت بويىنشا قازاقستان رەسپۋبليكاسى قىلمىستىق كودەكسىنىڭ 188-بابى (ۇرلىق) بويىنشا تەرگەۋ امالدارى جۇرگىزىلۋدە, كۇدىكتى ايەل قاماۋعا الىندى.
