ەكونوميكا • 25 قىركۇيەك، 2020

تەپلوۆوزدا سۇيىتىلعان گازدى قولدانۋ تۋرالى كەلىسىمگە قول قويىلدى

24 رەت كورسەتىلدى

«قازترانسگاز» اق ەنشىلەس كومپانياسى «قازترانسگاز ونىمدەرى» جشس جانە «قازاقستان تەمىر جولى» ۇك» اق، «تابيعي گازدى موتور وتىنى رەتىندە پايدالانۋدى ورىستەتۋ جونىندەگى 2019-2022 جىلدارعا ارنالعان ءىس-شارالار جوسپارىن بەكىتۋ تۋرالى» ۇكىمەتتىڭ 2018 جىلعى 29 قاراشاداعى №797 قاۋلىسىن نازارعا الا وتىرىپ، گازدى-ديزەلدى قوزعالتقىشى بار تەپلوۆوزداردا سۇيىتىلعان تابيعي گازدى (بۇدان ءارى – ستگ) قولدانۋ سالاسىنداعى ىنتىماقتاستىق تۋرالى كەلىسىمگە قول قويدى.

قۇجاتقا «قازاقستان تەمىر جولى» ۇك» اق باس ينجە­نەرى باتىر كوتىرەۆ جانە «قازترانسگاز ونىمدەرى» جشس باس ديرەكتورى (باسقارما تور­ا­عاسى) اليك ءاشىروۆ قول قويدى. كەلىسىم ستگ-ءنى ديزەلدى قوز­عالت­قىشى بار تەپلوۆوزداردا قولدانۋ، سىناقتاردى وت­كىزۋ جانە ستگ-ءنى جەتكىزۋ ورىن­دارىن ايقىنداۋ بويىن­شا جۇيەلەردى ەنگىزۋ جوسپارىن ازىرلەۋ مەن ىسكە اسىرۋعا باعىتتالعان شارالار كەشەندەرىن قامتيدى. كەلىسىمدى ىسكە اسىرۋ شەڭبەرىندە اقپاراتپەن، ۇسىنىستارمەن، يدەيالارمەن جانە پىكىرلەرمەن ءوزارا الماسۋ ءۇشىن جۇمىس توبى قۇرىلدى.

ب.كوتىرەۆ «قتگ» ۇك» اق اركەز جۇمىستا وزىق تەح­نولو­گيالاردى قولدانا وتىرىپ ۋاقىت تالابىنان قالماۋ­عا تى­رىسادى ءارى تەك قانا سەنىمدى سەرىكتەستەرمەن ىنتى­ماق­تا­ساتىندىعىن ايتتى. سۇيى­تىل­عان گاز، بۇل ۇنەمدى، ەڭ باستىسى ەكولوگيالىق وتىن جانە ونى تەپلوۆوزداردا قولدانۋ تەك قانا وڭ ناتيجەلەر كورسەتۋى ءتيىس.

«قازترانسگاز» اق ەلدىڭ كو­لىك سەكتورىن جاڭعىرتۋ جانە ونى ديزەلدى وتىننان تابيعي گازعا اۋىستىرۋ بو­يىنشا ۇلكەن جۇمىس اتقا­رۋدا ەكەندىگىن ەسكەرۋ قاجەت.  الماتى، تالدىقورعان، شىم­­كەنت، تۇركىستان، تاراز، قى­زىل­وردا، اقتوبە، اتىراۋ قالا­­لا­رى اكىمدىكتەرىمەن مۋني­تسيپالدىق تەحنيكانى جانە الەۋ­­مەتتىك اۆتوبۋستىق پارك­تەردى ەكولوگيالىق وتىنعا اۋىس­تىرۋ تۋرالى كەلىسىمدەر جاسا­لىپ قويدى. بۇدان بولەك، ەلدىڭ نەگىزگى اۆتوماگيسترالدارىندا اۆتوموبيلدىك گاز تول­تىرۋ كومپرەسسورلىق ستان­سالارى، كريوگەندىك اۆتومو­بيلدىك جا­نار-جاعار ماي ستان­سالارىنىڭ جەلى­لەرىن كەڭەيتۋ جوبالارىنا، از توننالى زاۋىتتاردا ستگ-ءنى ءوندىرۋ بويىنشا يننوۆاتسيالىق جوبالارعا باس­تاما جاسالدى جانە ىسكە اسىرىلۋدا.

 

سوڭعى جاڭالىقتار

ۇقساس جاڭالىقتار