مەديتسينا • 18 قىركۇيەك، 2020

ىندەت جۇقتىرعان قانشا مەديتسينا قىزمەتكەرى تولەم العانى بەلگىلى بولدى

40 رەت كورسەتىلدى

1،6 مىڭنان استام مەديتسينا قىزمەتكەرى كوروناۆيرۋس ينفەكتسياسىن جانە پنەۆمونيانى جۇقتىرۋىنا بايلانىستى ماسق-تان تولەمدەر الدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

"COVID-19-بەن كۇرەسۋگە تارتىلعان 1646 مەديتسينا قىزمەتكەرى كوروناۆيرۋستىق ينفەكتسيانى نەمەسە ۆيرۋستىق پنەۆمونيانى جۇقتىرعان جاعدايدا مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) بەرىلەتىن بىرجولعى الەۋمەتتىك تولەمدى الدى. سونداي-اق، ماسق اۋرۋدىڭ سالدارىنان قايتىس بولعان 22 مەديتسينا قىزمەتكەرىنىڭ تۋىستارىنا تولەمدەر اۋداردى"، دەلىنگەن تاراتىلعان اقپاراتتا.

بۇدان بۇرىن حابارلانعانداي، جوعارىدا اتالعان تولەم تولەنەتىن مەديتسينا قىزمەتكەرلەرىن وڭىرلەردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسيالار اۋىرعان مەديتسينا قىزمەتكەرلەرىن تەكسەرۋ ناتيجەلەرى نەگىزىندە انىقتايدى. وتىنىمدەردىڭ جيناقتاۋدى قر دەنساۋلىق ساقتاۋ مينيسترلىگى جۇزەگە اسىرادى، ودان كەيىن وتىنىمدەر ەلەكتروندىق ءىس ماكەتتەرىن قالىپتاستىرۋ ءۇشىن "ازاماتتارعا ارنالعان ۇكىمەت" مەملەكەتتىك كورپوراتسياسى" كەاق-قا بەرىلەدى، كەيىن تولەم تاعايىنداۋ ءۇشىن ماسق-عا جىبەرىلەدى.

"18 قىركۇيەك ساعات 9.00-دەگى جاعداي بويىنشا ماسق COVID-19 نەمەسە ۆيرۋستىق پنەۆمونيا جۇقتىرعان 1646 مەديتسينا قىزمەتكەرىنىڭ ءوتىنىشى بويىنشا جانە اۋرۋدىڭ سالدارىنان قايتىس بولعان 22 مەديتسينا قىزمەتكەرىنىڭ ءوتىنىش بويىنشا اقشالاي قاراجاتتى تاعايىنداۋ مەن تولەۋدى جۇزەگە اسىردى"، دەلىنگەن حابارلامادا.

وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنەۆمونيانى جۇقتىرۋ جاعدايىنا تولەمدەردىڭ ەڭ كوپ سانى الماتى (369) جانە نۇر-سۇلتان (340)، شىمكەنت (100) قالالارى، قاراعاندى (113) جانە اقمولا (107) وبلىستارى بويىنشا جۇرگىزىلدى.

ەستەرىڭىزگە سالا كەتەيىك، قر ەڭبەك جانە حالىقتى الەۋمەتتىك قورعاۋ ءمينيسترى مەن قر دەنساۋلىق ساقتاۋ ءمينيسترىنىڭ 9 ساۋىردەگى "دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكتسياسىنا قارسى كۇرەس جونىندەگى ەپيدەمياعا قارسى ءىس-شارالارعا تارتىلعان قىزمەتكەرلەرى اتالعان ينفەكتسيانى جۇقتىرعان نەمەسە ودان قايتىس بولعان جاعدايدا ولارعا بىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى" بىرلەسكەن بۇيرىعىنا اعىمداعى جىلدىڭ 22 شىلدەسىندە ەنگىزىلگەن وزگەرىستەرگە  سايكەس جوعارىدا كورسەتىلگەن تولەم:

– كوروناۆيرۋستىق ينفەكتسيا نەمەسە ۆيرۋستىق پنەۆمونيا جۇقتىرعان مەديتسينا قىزمەتكەرلەرىنە – 2 ملن تەڭگە;

– COVID-19 كوروناۆيرۋستىق ينفەكتسياسىن جۇقتىرعاننان،  ۆيرۋستىق پنەۆمونيامەن اۋىرىپ قايتىس بولعان جاعدايدا ولاردىڭ وتباسىنا – 10 ملن تەڭگە كولەمىندە تولەنەدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار