وسى جىلدىڭ قاڭتار مەن شىلدە ارالىعىندا اۋە كومپانيالار 2,6 ملن ادامدى تاسىمالداعان. وتكەن جىلمەن سالىستىرعاندا 43,1%-عا تومەندەگەن. ال تىكەلەي شىلدە ايىنداعى رەيستەر بويىنشا 304,9 مىڭ جولاۋشى ۇشقان. بۇل ماۋسىم ايىنداعى كورسەتكىشتەن 36,6%-عا از.
ۆەدومستۆوارالىق كوميسسيانىڭ 2020 جىلعى 11 تامىزداعى شەشىمى بويىنشا 17 تامىزدان باستاپ قازاقستان اپتاسىنا 23 رەيس جيىلىگىمەن 6 باعىت بويىنشا 4 ەلگە حالىقارالىق ۇشۋدى كەزەڭ-كەزەڭىمەن قايتا باستالدى. ولار: ءباا (11 رەيس), گەرمانيا (5 رەيس), بەلارۋس (4 رەيس), ۋكراينا (3 رەيس). جەتى ايدىڭ قورىتىندىسى بويىنشا جۇك پەن جول جۇگىن تاسىمالداۋ 10,9 مىڭ توننانى قۇرادى.
سەكتورداعى قىزمەتتەردىڭ مەيلىنشە ارزانداۋى شىمكەنتتە (51,3%-عا), نۇر-سۇلتاندا (46,4%-عا) جانە اقتوبە وبلىسىندا (37,2%-عا) بايقالدى. ءتورت وڭىردە باعا وزگەرىسسىز قالدى: اقمولا, الماتى, سولتۇستىك قازاقستان جانە تۇركىستان وبلىستارىندا. تاعى ەكى وڭىردە قىزمەتتەر قىمباتتادى: اتىراۋ وبلىسىندا بىردەن 18,5%-عا, ال قوستاناي وبلىسىندا – 4,3%-عا.
