قازاقستان • 12 شىلدە، 2020

ايدىن راحىمباەۆ ەكى قالادا ناۋقاستاردى تەگىن ەمدەۋگە ارنالعان ورتالىقتار اشپاق

90 رەت كورسەتىلدى

"BI Group كومپانياسىنىڭ باسشىسى ايدىن راحىمباەۆ الماتى مەن نۇر-سۇلتاندا كوروناۆيرۋس جۇقتىرعان ناۋقاستاردى تەگىن ەمدەۋگە ارنالعان ورتالىقتار اشپاق. ول باسقا كاسىپكەرلەردى وسى قايىرىمدىلىق اكتسياسىنا قوسىلۋعا شاقىردى"، دەپ حابارلايدى Egemen.kz.

كاسىپكەر بۇل ۇندەۋىن  Instagram-داعى پاراقشاسىندا جاريالادى. ول كومپانيا ورتالىقتى ءوز ءۇي-جايلارىندا اشۋ مۇمكىندىگىن ىزدەگەنمەن، بارلىعى تك بولعاندىقتان بۇل تۇرعىندار ءۇشىن قاۋىپتى ەكەنىن ايتتى.

"نازار اۋدارىڭىز، الماتى مەن نۇر-سۇلتاندا 100-200 ورىندىق امبۋلاتورلىق-پروۆيزورلىق COVID-19 ورتالىعىن اشۋ ءۇشىن عيمارات ىزدەپ ءجۇرمىز. ءتيىمدى جالداۋ اقىسىن تولەۋگە دايىنبىز، بارلىق ىڭعايلى جانە دايىن نۇسقالاردى، مۇمكىندىگىنشە قوناق ۇيلەر، تۇرعىن ءۇي بلوكتارى نەمەسە سانيتارلىق توراپتارى بار، كىرەبەرىسى ىڭعايلى بولسا جانە باسقالارىن قاراستىرامىز. كۆي-دەن ەمدەلۋگە مۇقتاج بارلىق ادام ءۇشىن تەگىن ورتالىقتار اشۋدى جوسپارلاپ وتىرمىز. وتتەگى كونتسەنتراتتارى ساتىپ الىندى، كەلەسى اپتادا كەلەدى. ءدارى-دارمەكتەر مەن قاجەتتى جابدىقتار تابىلدى جانە ساتىپ الىنادى"، – دەپ جازدى ول. سونىمەن قاتار، ا. راحىمباەۆ دارىگەر-ۆولونتەرلەردى جانە دارىگەرلەردى ىزدەستىرىپ جاتىر. اقىسى ساعاتىنا تولەنەدى. ولاردى جەكە قورعانىس قۇرالدارىمەن جانە ازىق-ت ۇلىكپەن قامتاماسىز ەتۋگە ۋادە بەرىلدى.

ءبىز بۇعان دەيىن BI Group ديرەكتورلار كەڭەسىنىڭ توراعاسى ايدىن راحىمباەۆ كومپانيانىڭ قازىرگى بەس جۇلدىزدى Hilton Astana وتەلىن كارانتينگە جانە گوسپيتاليزاتسياعا بەرۋگە دايىن ەكەنىن مالىمدەگەنىن حابارلاعانبىز.

بۇرىن مەديتسينا قىزمەتكەرلەرىنە كوروناۆيرۋسپەن كۇرەسۋگە 100 ميلليون تەڭگە بولگەن ا. راحىمباەۆتىڭ  ايتۋىنشا، "كوماندا دارىگەرلەر توبىمەن جانە اكىمدىك شتابىمەن بىرلەسىپ دايىندالىپ جاتىر".

سوڭعى جاڭالىقتار

ۇقساس جاڭالىقتار