ايماقتار • 08 شىلدە، 2020

نۇر-سۇلتاندا 8 مىڭ ادام الەۋمەتتىك تۇرعىن ۇيمەن قامتىلادى

23 رەت كورسەتىلدى

بيىل ەلوردادا 8 مىڭ الەۋمەتتىك تۇرعىن ءۇي سالىنادى. شىلدە ايىندا كەزەكتە تۇرعان 1200 قالا تۇرعىنى باسپانا كىلتىن الادى. ولار: تۇرمىسى تومەن ازاماتتار، ەرەكشە كۇتىمدى قاجەت ەتەتىن بالالارى بار وتباسىلار، جەتىم بالالار، زەينەتكەرلەر، كوپبالالى وتباسىلار جانە تۇرعىن ءۇي قۇرىلىس جيناق بانكىندە كەزەكتە تۇرعاندار. بۇل تۋرالى قالا اكىمدىگىنىڭ رەسمي سايتى حابارلادى، - دەپ جازادى Egemen.kz

"بيىل مەملەكەت باسشىسىنىڭ تاپسىرماسى بويىنشا، قولجەتىمدى الەۋمەتتىك تۇرعىن ءۇي كولەمى ءۇش ەسە ارتادى. كەزەكتە تۇرعان سەگىز مىڭ پاتەر بەرىلەدى. الەۋمەتتىك جاعىنان وسال توپتاعى، از قامتىلعان قالا تۇرعىندارى، جەتىم بالالار، ەرەكشە كۇتىمدى قاجەت ەتەتىن بالالارى بار وتباسىلار، زەينەتكەرلەر، كوپبالالى جانە ت.ب. جاندار پاتەرگە يە بولا الادى. كارانتين كەزىندە قۇرىلىسشىلارمەن ونلاين-كەڭەستەر وتكىزەمىز، جۇمىس ۋاقىتى قاداعالانادى، ارقايسىسىمەن جەكە جۇمىس ىستەيمىز. ءبىز ءوز تاراپىمىزدان قولداۋ كورسەتەمىز. تۇرعىن ءۇي كەزەگىن بارىنشا جەدەلدەتۋگە تىرىسامىز.

سونىمەن قاتار بيىل كوروناۆيرۋسپەن كۇرەستە الدىڭعى شەپتە جۇرگەن مەديتسينا قىزمەتكەرلەرى، مۇعالىمدەر، الەۋمەتتىك قىزمەتكەرلەر، پوليتسيا قىزمەتكەرلەرى پاتەر الادى. سونداي-اق بيىل الداعى جىلعا دايىندىق جۇرگىزىلۋدە"، – دەدى قالا اكىمى التاي كولگىنوۆ.

بيىل ۇزاققا سوزىلعان قۇرىلىس سەبەبىنەن جىلدار بويى كۇتۋگە ءماجبۇر بولعان 8 مىڭ ۇلەسكەر ءوز پاتەرلەرىن الادى.

سوڭعى جاڭالىقتار

ۇقساس جاڭالىقتار