قۇرامىنا ءماجىلىس دەپۋتاتتارى, كورنەكتى قوعام قايراتكەرلەرى, پارتيالار وكىلدەرى ەنگەن كوميسسيانىڭ شەشىمىمەن بيىل جەتى اتالىم بويىنشا جەڭىمپازدار انىقتالدى.
ءماجىلىس توراعاسى نۇرلان نىعماتۋلين «پارلامەنت ءسوزى» سىيلىعىنىڭ جەڭىمپازدارىمەن قاتار, وتاندىق بۇقارالىق اقپارات قۇرالدارى وكىلدەرىنىڭ بارلىعىن كاسىبي مەرەكەسىمەن قۇتتىقتادى.
«پارلامەنتتىك جۋرناليستيكانى دامىتۋعا قوسقان ۇلەسى ءۇشىن» اتالىمىنىڭ لاۋرەاتتارى – «Qazaqstan dáuiri» گازەتىنىڭ باس ديرەكتورى ساۋلە مەشىتباەۆا جانە «كاراۆان» گازەتىنىڭ باس رەداكتورى يگور شاحنوۆيچ;
«ۇزدىك تەلەۆيزيالىق سيۋجەت ءۇشىن» اتالىمىنىڭ لاۋرەاتتارى – «حابار» تەلەارناسىنىڭ ءتىلشىسى ينديرا جىلقىايداروۆا جانە ء«بىرىنشى ارنا» «ەۋرازيا» ءتىلشىسى سۆەتلانا پەنكوۆا;
«ۇزدىك باسىلىم جاريالانىمى ءۇشىن» اتالىمىنىڭ لاۋرەاتتارى – تەمىر قۇسايىن («Egemen Qazaqstan») جانە «ليتەر» گازەتىنىڭ ۇجىمى;
«ۇزدىك ينتەرنەت جانە راديوماتەريال» اتالىمىنىڭ لاۋرەاتتارى «Abai.kz» اقپاراتتىق پورتالى جانە سەرىك سابەكوۆ («Kazinform»);
«ارنايى رەپورتاج» اتالىمىنىڭ لاۋرەاتتارى – «قازاق راديولارى» مەن «حابار 24» تەلەارناسىنىڭ ءتىلشىسى مارك بريۋشكو;
«ۇزدىك ۆيدەو جانە فوتوماتەريال ءۇشىن» اتالىمىنىڭ لاۋرەاتتارى «Nur Media» ءفوتوتىلشىسى سوۆەتبەك ماعزۇموۆ جانە «حابار» تەلەارناسىنىڭ باس وپەراتورى ەدىل ەرمەكباەۆ بولدى.
ءماجىلىس توراعاسى نۇرلان نىعماتۋليننىڭ باستاماسىمەن بيىل «پارلامەنت ءسوزى» ارنايى سىيلىعى» ومىردەن ەرتە كەتكەن تانىمال جۋرناليست بەيسەن قۇرانبەككە بەرىلدى.
2016 جىلدان بەرى ۇيىمداستىرىلىپ كەلە جاتقان سىيلىقتىڭ تاپسىرىلۋى بيىل كوروناۆيرۋس پاندەمياسىنا قاتىستى بىرقاتار وزگەرىسكە ۇشىرادى. سىيلىقتى سالتاناتتى تۇردە تاپسىرۋ ءراسىمى كۇزگى پارلامەنتتىك سەسسياعا جوسپارلانىپ وتىر.
