- تۇڭعىش پرەزيدەنت – ەلباسى ن.ءا. نازارباەۆتىڭ جارلىعىمەن كوپتەگەن عاسىرلار بويى بۇكىل تۇركى الەمىنىڭ ساياسي جانە رۋحاني ءومىرىنىڭ جۇرەگى بولعان تۇركىستان وبلىسى جاڭادان قۇرىلدى. وسى تاريحي شەشىمنىڭ اياسىندا بۇگىندە تۇركىستان قالاسىنداعى اۋقىمدى قالپىنا كەلتىرۋ جۇمىستارى جۇرگىزىلۋدە. بۇگىنگى كۇنى تۇركىستان قالاسىنىڭ تاريحي بولىگىندەگى قۇرىلىس جانە قالپىنا كەلتىرۋ جۇمىستارى ءجۇرىپ جاتىر, ولاردىڭ ىشىندە: ح.ا. ياسساۋي مۋزەيى, « ۇلى دالا ەلى» ورتالىعى, مۋزىكا مەكتەبى, كىتاپحانا, قولونەر ورتالىعى, ساراي كەرۋەنى, ۆيزيت-ورتالىعى, سپورت وبەكتىلەرى سياقتى جاڭا وبەكتىلەر بوي كوتەرىپ كەلەدى, - دەدى اقتوتى رايىمقۇلوۆا.
سونداي-اق ول قوجا احمەت ياساۋي كەسەنەسى ورنالاسقان تۇركىستان قالاشىعىن قالپىنا كەلتىرۋ بويىنشا قارقىندى جۇمىستار جالعاسىپ جاتقانىن اتاپ ءوتتى.
- مينيسترلىكپەن 2019-2021 جىلدار كەزەڭىندە قالاشىقتىڭ شىنايى كەلبەتىن تولىق قالپىنا كەلتىرە وتىرىپ, 88,7 گەكتار الاڭدا 17 نىساندى كونسەرۆاتسيالاۋ, مۋزەيلەندىرۋ جانە قورعاۋ ايماعىنىڭ اۋماعىن اباتتاندىرۋ جوسپارىنىڭ جوباسىن ازىرلەدى. ونىڭ ىشىندە «كۇلتوبە» ارحەولوگيالىق ەسكەرتكىشىنە الەمدىك ارحەولوگيالىق پارك رەتىندە جان-جاقتى زەرتتەۋ جۇمىستارى جۇرگىزىلۋدە. قالا ءومىرىنىڭ رۋحى مەن تۇرمىسىن تولىق بەرۋ جانە وبەكتىنى بۇقارالىق كەلۋشىلەر, قاجىلار مەن حالىقارالىق تۋريستەر ءۇشىن جوعارى قىزىعۋشىلىق ورنى ەتۋ جوسپارلانۋدا. سونداي-اق «ساۋران», «ياسسى», «سارايشىق», «بالاساعۇن», «بوزوق» ورتاعاسىرلىق قالاشىقتارىن قالپىنا كەلتىرۋ جۇمىستارى جۇرگىزىلۋدە, - دەدى مينيستر.
