ول نەگىزىنەن ءۇش باعىتتى قامتىپ وتىر. قازىرگە دەيىن باعدارلامانىڭ كاسىپتىك ءبىلىم بەرۋ مەن مامانداردى قايتا دايارلاۋ ءىسى مەن شاعىن كاسىپكەرلىكتى جاپپاي دامىتۋ باعىتى جانە تۇرعىنداردى جۇمىسپەن قامتۋ اياسى ءوز جەمىسىن بەرە باستادى. مىسالى, وتكەن جىلى «ەڭبەك» باعدارلاماسى بويىنشا الماتى وبلىسىندا 25 مىڭنان استام ادام جۇمىسپەن قامتىلعان ەكەن. ونىڭ ىشىندە 7500 ادام قىسقا مەرزىمدە قايتا دايارلىقتان ءوتىپ, ناتيجەسىندە 3 مىڭ ماماندىق يەسى جۇمىسقا تۇرعان. ال كاسىپكەرلىكتى دامىتۋ باعىتىندا 1100 ادامعا نەسيە بەرىلگەن.وسى ماقساتقا وبلىستىق جانە رەسپۋبليكالىق بيۋدجەتتەن 15 ميلليارد تەڭگە شاماسىندا قارجى جۇمسالىپتى.
«ەڭبەك» باعدارلاماسىن ىسكە اسىرۋ بيىل دا جالعاسىن تاۋىپ وتىر. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, بيىل باعدارلامانى جۇزەگە اسىرۋ ءۇشىن 9,9 ميلليارد تەڭگە بولىنگەن.
- بۇل قارجىعا تەگىن كاسىپتىك-تەحنيكالىق ءبىلىم بەرۋ باعىتى بويىنشا 4 مىڭنان استام ادام وقىتىلادى. ال كاسىپكەرلىكتى دامىتۋ بويىنشا اۋىلدىق جەرلەرگە ميكروكرەديت بەرۋ, قالالارداعى شاعىن نەسيەلەۋ, ميكروقارجى ۇيىمدارىنىڭ وپەراتسيالىق شىعىندارىن سۋبسيديالاۋ سياقتى جۇمىستارعا 5214,4 ميلليون تەڭگە قارالعان. . سونداي-اق, باعدارلامانىڭ ءۇشىنشى باعىتى, تۇرعىنداردى جۇمىسپەن قامتۋ بويىنشا دا 2400,9 ميلليون تەڭگە جۇمسالماق. ناتيجەسىندە 8 مىڭنان استام جۇمىسپەن قامتىلادى, - دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى باقىت جاقسىباەۆا.
الماتى وبلىسى
