ايماقتار • 26 اقپان، 2020

كورپوروتيۆتىك ەرىكتىلىك: قاريالارعا مەديتسينالىق جانە قۇقىقتىق تۇرعىدان كومەك كورسەتىلدى

19 رەتكورسەتىلدى

بۇگىنگى كۇنگە دەيىن ەلىمىزدىڭ ءار تۇپكىرىندە ورنالاسقان الەۋمەتتىك قىزمەت كورسەتۋ ورتالىقتارىنا الەۋمەتتىك قولداۋ مەن قايىرىمدىلىق جاساۋ شارالارى بىرجاقتى سيپات الىپ كەلگەنى جاسىرىن ەمەس. ولارعا مۇددەلى ۇيىمدار مەن جاناشىر ازاماتتار تاراپىنان نەگىزىنەن ازىق-ت ۇلىك پەن كيىم-كەشەك تاۋارلارى جولدانىپ كەلگەنى بەلگىلى. قايىرىمدىلىق باعىتىنداعى ىستەردى تەك مۇنىمەن شەكتەي سالۋدىڭ ازدىق ەتەتىندىگىن الەۋمەتتىك ءومىردىڭ ءوزى ايقىنداپ بەرىپ وتىر.

وسى ورايدا، مەملەكەتتىك قىزمەت ىستەرى اقتوبە وبلىستىق دەپارتامەنتى ۇجىمى ايرىقشا ءبىر ءىس-شاراعا باستاماشى بولا ءبىلدى. ياعني، اتالعان دەپارتامەنت قىزمەتكەرلەرى اقتوبەدەگى الەۋمەتتىك قىزمەت كورسەتۋ ورتالىعىندا ورنالاسقان قاريالارمەن جانە مۇگەدەكتەرمەن كەزدەسۋ كەزىندە كورپوروتيۆتىك ەرىكتىلىكتى دامىتۋ قاعيداتتارىنا سايكەس ولارعا مەديتسينالىق جانە قۇقىقتىق تۇرعىدان كومەك كورسەتۋگە باسىمدىق بەردى.

بۇل جونىندە باسقوسۋعا ارنايى شاقىرىلعان مەملەكەتتىك مەكەمە ماماندارى مۇنداعى جانداردى تولعاندىرىپ جۇرگەن ماسەلەگە قاتىستى ءماندى دە ماعىنالى اڭگىمەلەر قوزعادى. اركىم ءوزىنىڭ قۇقىن جاقسى بىلسە، كەز كەلگەن كوك اتتىعا جەم بولمايدى. ءومىردىڭ قاراپايىم زاڭدىلىقتارى بارشاعا، كوپكە ورتاق. ونىڭ اياقاستى بولماۋى، بۇزىلماۋى شارت. بۇل باعىتتا ايتىلعان وي پىكىرلەر مەن تۇجىرىمدار قۇقىقتىق كومەككە مۇقتاج جانداردىڭ جۇرەكتەرىنە جەتكەندەي اسەر قالدى كوكەيدە.

ايتالىق، قازىرگى كەزدە ەكىنىڭ ءبىرى مۇراگەرلىك پەن جىلجىمايتىن م ۇلىكتى تىركەۋ جانە ءومىردىڭ ءوزى قاجەت ەتكەن وزگە دە راسىمدەردىڭ قالاي جۇرگىزىلەتىنىن بىلە بەرەمەۋى مۇمكىن. بۇل جونىنەن دە زاڭگەرلەر ورتالىق تۇرعىندارىنا قاراپايىم تۇردە تۇسىنىكتى جاۋاپتار قايتاردى.

شىنتۋايتىنا كەلگەندە ورتالىقتاعىلار وسىنداي وزەكتى ساۋالداردىڭ قىر-سىرىنا قانىعۋى ءۇشىن ءتيىستى مەكەمەلەرگە ارنايى بارىپ جۇرۋىنە مۇمكىندىكتەرى بولا بەرمەيتىنى بەلگىلى.

بۇل رەتتە ادىلەت ورگاندارى مەن دەنساۋلىق ساقتاۋ باسقارماسى، مەملەكەتتىك كورپوراتسيا وكىلدەرى جانە مەملەكەتتىك باسقارۋ اكادەمياسىنىڭ اقتوبە وبلىستىق فيليالى قىزمەتكەرلەرىنىڭ مەملەكەتتىك قىزمەت ىستەرى دەپارتامەنتىنىڭ وتىنىشىنە سايكەس ورتالىققا ارنايى كەلۋى كوپ ماسەلەنىڭ ءتۇيىنىن تارقاتىپ بەردى دەۋگە تولىق نەگىز بار.

 

اقتوبە

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار