كوميسسيا قۇرامىنا پارلامەنت ءماجىلىسىنىڭ دەپۋتاتتارى, اتقارۋشى ورگان وكىلدەرى, رەسپۋبليكالىق جاستار ۇيىمدارىنىڭ كوشباسشىلارى جانە بەلسەندى جاستار كىردى.
وتىرىستا دەنساۋلىق ساقتاۋ ۆيتسە-ءمينيسترى نادىروۆ كامالجان, پارلامەنت ءماجىلىسىنىڭ دەپۋتاتى ءاليا ساپاروۆا مەن كوميسسيا توراعاسى جۇلدىز وماربەكوۆا ءسوز سويلەدى.
كۇن تارتىبىندە ەلىمىزدەگى جاستاردىڭ دەنساۋلىق جاعدايى ماسەلەسى تالقىلاندى. اتاپ ايتقاندا, جاستار اراسىنداعى الەۋمەتتىك-ماڭىزدى ماسەلەلەردىڭ الدىن الۋ: سۋيتسيد, ابورت, تۋبەركۋلەز, ەرتە جۇكتىلىك جانە ت.ب.
جوعارىدا كورسەتىلگەن ماسەلەلەر بويىنشا مونيتورينگ Jas Otan جاستار قاناتىمەن بىرلەسىپ وتكىزىلدى.
دەنساۋلىق ساقتاۋ ۆيتسە-ءمينيسترى تاپ وتكەندەي, دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ باسىم مىندەتتەرىنىڭ ءبىرى - جاستاردىڭ دەنساۋلىعىن نىعايتۋ بويىنشا كەشەندى شارالاردى ىسكە اسىرۋ. مەملەكەتتىك باعدارلاما شەڭبەرىندە مەكتەپ پسيحولوگتارىن; بمسك مەكتەپ مەديتسينا قىزمەتكەرلەرىن جاسوسپىرىمدەر اراسىندا سۋيتسيد قاۋپىن ەرتە انىقتاۋ ءۇشىن وقىتۋ; ەلىمىزدىڭ 17 وڭىرىندە جاسوسپىرىمدەر اراسىندا ءسۋيتسيدتىڭ الدىن الۋ جونىندەگى باعدارلامانى ەنگىزۋ; پسيحياتريالىق كومەك كورسەتۋدى جەتىلدىرۋ; ددۇ-نىڭ «دەنساۋلىقتى نىعايتۋعا ىقپال ەتەتىن مەكتەپتەر», «سالاماتتى ۋنيۆەرسيتەتتەر» جوبالارىن ودان ءارى ەنگىزۋ جوسپارلانعان.
