پارلامەنت • 26 اقپان، 2020

د. نازارباەۆا: قازاقستاننىڭ جەڭىل ونەركاسىبىنە ماقساتتى جەكە دامۋ باعدارلاماسى كەرەك

10 رەتكورسەتىلدى

سەنات توراعاسى داريعا نازارباەۆا پارلامەنتتىك تىڭداۋلارعا دايىندىق اياسىندا ساۋدا الاڭدارى ماسەلەسى بويىنشا مەملەكەتتىك ورگانداردىڭ جانە نارىق سۋبەكتىلەرىنىڭ وكىلدەرىمەن كەزدەستى. بۇل تۋرالى سەناتتىڭ ءباسپاسوز قىزمەتى حابارلادى.

شاراعا سەنات دەپۋتاتتارى، ساۋدا جانە ينتەگراتسيا، يندۋستريا جانە ينفراقۇرىلىمدىق دامۋ، ۇلتتىق ەكونوميكا، قارجى مينيسترلىكتەرىنىڭ، نۇر-سۇلتان قالاسى اكىمدىگىنىڭ، «اتامەكەن» ۇكپ باسشىلارى قاتىستى.

داريعا نازارباەۆا كىرىسپە سوزىندە الدىڭعى كەزدەسۋلەردە وتاندىق وندىرۋشىلەر ساۋدا ورتالىقتارىنداعى جالداۋ قۇنىنىڭ جوعارى ەكەندىگى ولارعا نەگىزگى پروبلەمالاردىڭ ءبىرى دەگەنىن ەسكە سالدى.

ەلىمىزدىڭ ساۋدا جانە ينتەگراتسيا ءمينيسترىنىڭ ورىنباسارى ازامات اسقار ۇلى ءوز بايانداماسىندا وتاندىق تاۋار وندىرۋشىلەرگە ارنالعان ساۋدا ساياساتىنىڭ شارالارى تۋرالى حاباردار ەتتى. ولاردىڭ ىشىندە وتاندىق ءوندىرىس تاۋارلارىن ساۋدا زالدارىندا قولجەتىمدى جەرلەرگە ورنالاستىرۋ، رەترو دەپ اتالاتىن بونۋستاردى بەلگىلەۋگە تىيىم سالۋ، وتاندىق ازىق-ت ۇلىك تاۋارلارىنا سورەلەردە كەمىندە 30% ورىن ءبولۋ بار. ء«بىز اگرو-لوگيستيكالىق ورتالىقتار مەن كوتەرمە-تاراتۋ ورتالىقتارى قۇرىلىستارىن سالۋ بويىنشا جوبانى جۇزەگە اسىرۋدى قولعا الدىق. ناتيجەسىندە بۇكىل ەلىمىزگە ارنالعان دايىنداۋ جانە وتكىزۋدىڭ اسا اۋقىمدى جاڭا جۇيەسى قۇرىلادى»، - دەپ اتاپ ءوتتى ءمينيستردىڭ ورىنباسارى.

كەزدەسۋدە ءسوز العان ۇلتتىق ەكونوميكا ءمينيسترىنىڭ ورىنباسارى جاسلان ماديەۆ جەڭىل ونەركاسىپ كاسىپورىندارىن قولداۋ ماسەلەلەرىنە، اتاپ ايتقاندا، ارنايى ەكونوميكالىق ايماقتارعا قاتىسۋشىلاردى كورپوراتيۆتىك تابىس سالىعىنان، جەر، م ۇلىك سالىقتارىنان جانە جەر ۋچاسكەلەرىن پايدالانعانى ءۇشىن تولەمدەردەن بوساتۋ شارالارىنا نازار اۋداردى.

قازاقستان مينيماركەتتەر قاۋىمداستىعىنىڭ باسشىسى باۋىرجان نۇركەنوۆ ءوز كەزەگىندە ازىق-ت ۇلىك سالاسىندا كولەڭكەلى ەكونوميكانىڭ دەڭگەيى جوعارى ەكەنىن اتاپ ءوتتى. ب.نۇركەنوۆتىڭ پىكىرىنشە، بۇل پروبلەمانى شەشۋ ءۇشىن نارىققا كىشى-گىرىم قاتىسۋشىلار كووپەراتسياسى كەرەك.

سەناتور داۋرەن ادىلبەكوۆ باياندامالاردى تىڭداي كەلىپ، جالعا الۋدى سۋبسيديالاۋ تالاپتارىن انىقتاۋ ادىستەمەسىنە نازار اۋداردى. «ەگەر ءبىز سۋبسيديا بەرەتىن بولساق، ساۋدا الاڭدارىنىڭ قوجايىندارى كاسكادتىق ادىسپەن جالعا الۋ باعاسىن ۇلعايتپاسىنا كىم كەپىل؟»، - دەگەن قاۋپىن ءبىلدىردى.

سەناتور ءالي بەكتاەۆ ءارتۇرلى ساۋدا ورىندارىندا ءبىر تاۋار باعاسىنىڭ 10%-دان 3 ەسەگە دەيىن قۇبىلاتىنىنا قاتىسۋشىلاردىڭ نازارىن اۋداردى. «ساۋدا بازارى – ارزان ساتىلاتىن ورىن دەپ ارقاشان ساناپ كەلدىك. ءبىزدىڭ تالداۋىمىز بويىنشا، جابدىقتالماعان بازارلار مەن كوممۋنيكاتسياسى جاقسى دامىعان، جىلىتۋ، جەلدەتۋ، باقىلاۋ كامەرالارى بار ساۋدا ورتالىقتارىن سالىستىرعاندا باعاسىندا ايىرماشىلىق جوق. بازارلاردا ۇستەمەاقى نەگە ولاي ەكەنىن زەردەلەۋ كەرەك»، - دەدى ول.

داريعا نازارباەۆا پىكىر الماسۋدى قورىتا كەلىپ، ساۋدا الاڭدارى تاقىرىبى بويىنشا وزەكتى ماسەلەلەردى تالقىلاۋ ءالى اياقتالماعانىن اتاپ ءوتتى. «ساۋدا بويىنشا جەكە تىڭداۋ وتكىزۋ كەرەك، بۇل بارىنە قاتىستى اۋقىمدى سالا»، - دەدى ول.

سەنات توراعاسى ساۋدا سالاسى ارقاشان ەكونوميكانىڭ ماڭىزدى بولىكتەرىنىڭ ءبىرى ەكەنىنە نازار اۋداردى. «قازاقستاندىق تۇتىنۋشىلار وزدەرىنىڭ وتاندىق ءونىمدى جاقسى كورۋى، سەنۋى، كوتەرمەلەۋى ءۇشىن قازىرگى زامانعى وركەنيەتتى جاعدايلار كەرەك. سونىڭ ءوزى ەڭ جاقسى يميدج، كەيىننەن ءبىزدىڭ ونىمدەرىمىز ءۇشىن شەتەلدە دە جۇمىس ىستەيتىن بولادى».

د.نازارباەۆا بۇل رەتتە جەڭىل ونەركاسىپتىڭ دامۋىن تۇتاستاي قامتاماسىز ەتۋ ءۇشىن سالاعا ماقساتتى باعدارلاما قاجەت ەكەنىن اتاپ ءوتتى. «جەڭىل ونەركاسىپتەگى ەڭبەك اۋقىمى كوبىرەك دەپ سانالادى، بىراق ونىڭ  عىلىمي اياسى دا اۋقىمدى بولىپ وتىر. وسى سالانى تابىستى دامىتىپ وتىرعان كوپتەگەن ەلدەر عىلىمي زەرتتەۋلەرگە، ماتالار مەن توقۋدىڭ جاڭا تۇرلەرىن شىعارۋعا اقشا ايامايدى. ونى باستان كەشكەن باسقا ەلدەردىڭ تاجىريبەسى تۇرعىسىنان قاراعان ءجون»، - دەدى ول.

سەنات توراعاسى كەزدەسۋدى قورىتىندىلاي كەلىپ، جاۋاپتى كوميتەتتەرگە كەزدەسۋگە قاتىسۋشىلار قوزعاعان پروبلەمالىق تاقىرىپتاردى زەردەلەۋدى جانە ولاردى پارلامەنتتىك تىڭداۋلاردا تالقىلاۋعا دايىنداۋدى تاپسىردى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار