ۇكىمەت • 26 اقپان، 2020

$500 ملن: قازاقستان مەن وزبەكستان اراسىندا 52 كەلىسىمگە قول قويىلدى

25 رەتكورسەتىلدى

بۇگىن حورەزم وبلىسىنىڭ ۇرگەنىش قالاسىندا پرەمەر-مينيستر اسقار مامين وزبەكستان پرەمەر-ءمينيسترى ابدۋللا اريپوۆپەن كەلىسسوز وتكىزدى جانە قازاقستان مەن وزبەكستاننىڭ ايماقارالىق ىنتىماقتاستىعىنىڭ ءىى فورۋمىنا قاتىستى. بۇل تۋرالى primeminister.kz حابارلادى.

ء«بىزدىڭ كوشباسشىلارىمىزدىڭ ساياسي كورەگەندىلىگىنىڭ ارقاسىندا قازاقستان مەن وزبەكستان اراسىنداعى ستراتەگيالىق ارىپتەستىك ساپالىق تۇرعىدا جاڭا دەڭگەيگە جەتتى»، — دەدى ا. مامين.

قازاقستان ۇكىمەتىنىڭ باسشىسى ەكىجاقتى ساۋدا اينالىمىن ودان ءارى ۇلعايتۋ بويىنشا قول جەتكىزىلگەن ۋاعدالاستىقتار قازىرگى ءوزارا مۇددەلەردى بەلسەندى جۇزەگە اسىرۋ جانە جاڭا باعىتتارىن ىزدەستىرۋ قاجەتتىگىن كورسەتىپ وتىرعانىن ايتتى. 

كەزدەسۋ بارىسىندا ساۋدا-ەكونوميكالىق، ينۆەستيتسيالىق، اۋىل شارۋاشىلىعى، ترانزيتتىك-كولىك، سۋ-ەنەرگەتيكالىق، توقىما، ماشينا جاساۋ، تۋريستىك، ەكولوگيالىق سالالاردا، سونداي-اق قارجى تەحنولوگيالارى مەن ايماقارالىق ىنتىماقتاستىق سالاسىنداعى ەكىجاقتى ىنتىماقتاستىقتى ءارى قاراي دامىتۋ كەلەشەگى تالقىلاندى. 

ا. مامين مەن ا. اريپوۆ «اگروونەركاسىپتىك كووپەراتسيا، ونەركاسىپ جانە تۋريزم سالاسىنداعى ايماقتىق بيزنەستىڭ ىنتىماقتاستىعى» تاقىرىبىنداعى قر مەن ءور ايماقارالىق ىنتىماقتاستىعىنىڭ II فورۋمىنىڭ قورىتىندى وتىرىسىنا قاتىستى، شاراعا 300-دەن اسا ادام — مەملەكەتتىك ورگانداردىڭ، وڭىرلەردىڭ باسشىلارى مەن ەكى ەلدىڭ ىسكەرلىك ورتا وكىلدەرى جينالدى. 

قر پرەمەر-ءمينيسترى شىمكەنت قالاسىنداعى «وڭتۇستىك» اەا بازاسىندا جەڭىل ونەركاسىپ بويىنشا قازاقستان-وزبەكستان كلاستەرىن قۇرۋ، تۇركىستان، تاشكەنت، سامارقان، بۇحارا جانە حورەزم وبلىستارىنداعى تۋريستىك نىساندار بويىنشا بىرلەسكەن تۋريستىك باعىتتار اشۋ، كوتەرمە-تاراتۋ جانە اگرو-لوگيستيكالىق ورتالىقتاردى بىرلەسىپ دامىتۋ بويىنشا باستامالار كوتەردى. 

ا. مامين ەكى ەلدىڭ ترانزيتتىك-كولىك جانە لوگيستيكالىق سالالارداعى ىنتىماقتاستىعىنا ەرەكشە نازار اۋداردى. 

«قازاقستان ءۇشىن ءسىزدىڭ ەل – وڭتۇستىك ازياعا شىعۋ جولى، وزبەكستان ءۇشىن ءبىزدىڭ اۋماق – ەاەو جانە وڭتۇستىك-شىعىس ازيا، كاۆكاز بەن ەۋروپا ەلدەرىنىڭ نارىعىنا شىعۋ مۇمكىندىگى»، — دەپ ا. مامين، «سولتۇستىك-وڭتۇستىك» ءدالىزىنىڭ ينفراقۇرىلىمىن قالىپتاستىرۋ، سونداي-اق ترانسكاسپي حالىقارالىق كولىك باعىتىن دامىتۋ بويىنشا بىرلەسكەن ءىس-قيمىلدى جانداندىرۋ قاجەتتىگىن اتاپ ءوتتى. 

فورۋم سوڭىندا ەكونوميكالىق ىنتىماقتاستىقتى دامىتۋ تۋرالى 52 قۇجاتقا، ونىڭ ىشىندە فورۋمنىڭ قورىتىندى دەكلاراتسياسىنا، سونداي-اق ماشينا جاساۋ، اۋىل شارۋاشىلىعى، قارجى-بانك، ونەركاسىپ، ينفراقۇرىلىم، فارماتسەۆتيكا جانە باسقا دا سالالاردا جالپى سوماسى $500 ملن-عا جۋىق بولاتىن ۆەدومستۆوارالىق، ايماقارالىق جانە كوممەرتسيالىق كەلىسىمدەرگە قول قويىلدى. 

فورۋم ەكى ەلدىڭ ىسكەرلىك ورتا وكىلدەرىنە B2B (business-to-business) فورماتىندا كەزدەسۋلەر وتكىزىپ، ارنايى ۇيىمداستىرىلعان كورمەدە وزدەرىنىڭ وندىرىستىك جانە ينۆەستيتسيالىق مۇمكىندىكتەرىن پاش ەتۋگە مۇمكىندىك بەردى. 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار