وتىرىس ولجاس ابىشەۆتىڭ توراعالىعىمەن وتكەن بولاتىن. باسقوسۋدا «الەۋمەتتىك مەديتسينالىق ساقتاندىرۋ قورى» كەاق ماڭعىستاۋ وبلىسى بويىنشا فيليالى ديرەكتورى رۋسلان بەكتۋباەۆ بايانداما جاسادى. ونىڭ ايتۋىنشا, بۇعان دەيىن 5 مەديتسينالىق مەكەمەنىڭ ءمامس جۇيەسىنە دايىندىق جۇمىستارىنا مونيتورينگ جۇرگىزىلىپ, بىرقاتار وزەكتى ماسەلەلەر انىقتالعان. بۇگىنگى تاڭدا اتالعان ماسەلەلەردىڭ كوپشىلىگى شەشىلگەن, الداعى ۋاقىتتا قاراجات پەن ۋاقىتتى قاجەت ەتەتىن ماسەلەلەر ءوز شەشىمىن ءالى دە تابادى دەپ كۇتىلۋدە. ءوزىن-ءوزى جۇمىسپەن قامتىعان ازاماتتاردى وزەكتەندىرۋ جۇمىستارى بۇگىندە ماڭىزدى. اقپاننىڭ 18-ءى كۇنگى ساناققا سايكەس, ماڭعىستاۋ وبلىسى بويىنشا 9325 ادام وزەكتەندىرىلمەگەن. وڭىردە سوڭعى 12 ايداعى جۇمىسشىلار سانى – 207 060, ال سوڭعى 3 ايدا – 163 446. دەمەك, 43 614 ادامنىڭ ستاتۋسى وزگەرىپ وتىر, ونىڭ 20 889-ى جەڭىلدىگى بار ساناتقا اۋىسقان.
بارلىق ايتىلعان ۇسىنىستار مەن پىكىرلەر ەسكەرىلىپ, ورىن العان كەمشىلىكتەردى جويۋ قاجەتتىگى ايتىلدى. وتىرىس سوڭىندا قر دەنساۋلىق ساقتاۋ ۆيتسە-ءمينيسترى ولجاس ابىشەۆ مەديتسينالىق ۇيىمداردىڭ باسشىلارىنا بىرقاتار ناقتى تاپسىرمالار بەردى.
ماڭعىستاۋ وبلىسى
