فوتو: قالا اكىمدىگى
ەلوردا اكىمدىگىنىڭ اقپارىنشا, 21 ناۋرىز كۇنى ساعات 20:00-دەن 21:00-گە دەيىن «قازاق ەلى» الاڭىندا قالا اسپانى ەرەكشە جارىق ساحناسىنا اينالادى. تۇرعىندار مەن قالا قوناقتارىنا ۇلتتىق ناقىشتاعى انيماتسيالىق كومپوزيتسيالار ۇسىنىلادى.
اكىمدىك مالىمەتىنشە, اۋە كەڭىستىگىندە قازاق حالقىنىڭ مادەنيەتى مەن سالت-ءداستۇرىن بەينەلەيتىن سيمۆولدار مەن كورىنىستەر كوركەم تۇردە ورىلەدى. دروندار ارقىلى جاسالعان بۇل كورىنىستەر زاماناۋي تەحنولوگيا مەن ۇلتتىق مازمۇننىڭ ۇيلەسىمىن كورسەتپەك.
استانادا ناۋرىز مەرەكەسىنە وراي 200-دەن استام ءىس-شارا وتەدى
ايتا كەتەيىك, «ناۋرىزناما» ونكۇندىگى اياسىندا ەلوردادا 200-دەن استام ءىس-شارا جوسپارلانعان. ولاردىڭ قاتارىندا مەرەكەلىك كونتسەرتتەر, ۇلتتىق ويىندار, جارمەڭكەلەر مەن ءتۇرلى شەبەرلىك ساباقتارى بار.
