ونىڭ ايتۋىنشا, «جانۋارلارعا جاۋاپتى قاراۋ تۋرالى» زاڭعا ەنگىزىلەتىن تۇزەتۋلەر بىرنەشە باعىت بويىنشا تالاپتاردى كۇشەيتەدى.
زاڭ جوباسىنا سايكەس, جانۋارلارعا قاتىگەزدىك كورسەتۋ ءۇشىن ايىپپۇل مولشەرى ازاماتتار ءۇشىن 5-تەن 30 اەك-كە دەيىن (129 750 تەڭگە), ال لاۋازىمدى تۇلعالار ءۇشىن 10-نان 50 اەك-كە دەيىن (216 250 تەڭگە) وسەدى. قايتالانعان جاعدايدا ايىپپۇل كولەمى تيىسىنشە 50 جانە 100 اەك-كە (432 500 تەڭگە) دەيىن ۇلعايادى.
جانۋارلار تۋرالى زاڭعا ەنگىزىلگەن تۇزەتۋلەر: دەرەكتەر, تسيفرلار جانە وزگەرىستەردىڭ سەبەپتەرى
سونداي-اق جانۋارلاردى ۇستاۋ, پيتومنيكتەرگە تاپسىرۋ جانە سەرۋەندەتۋ ەرەجەلەرىن بۇزعانى ءۇشىن دە جاۋاپكەرشىلىك كۇشەيەدى. بۇل رەتتە ايىپپۇل مولشەرى جەكە تۇلعالار ءۇشىن 10-نان 15 اەك-كە (64 875 تەڭگە), لاۋازىمدى تۇلعالار ءۇشىن 20-دان 30 اەك-كە (129 750 تەڭگە), زاڭدى تۇلعالار ءۇشىن 30-دان 40 اەك-كە (173 000 تەڭگە) دەيىن ارتادى. قايتالانعان جاعدايدا ايىپپۇل ەكى ەسەگە كوبەيتىلەدى.
«سونىمەن قاتار, ماجىلىستە جانۋارلار دۇنيەسى مەن اڭشىلىق سالاسىنا قاتىستى زاڭناماعا وزگەرىستەر قاراستىرىلىپ جاتىر. ەندى جانۋاردى باسپاناسىنا ورنالاستىرماي دالاعا قاراۋسىز تاستاپ كەتۋگە اكىمشىلىك جاۋاپكەرشىلىك ەنگىزىلەدى», دەدى نۇركەن شاربيەۆ.
سەنات رەزونانس تۋدىرعان جانۋارلارعا قاتىستى زاڭدى ماجىلىسكە قايتاردى
مۇنداي جاعدايدا ايىپپۇل كولەمى:
– جەكە تۇلعالارعا – 30 اەك (129 750 تەڭگە);
– لاۋازىمدى تۇلعالارعا – 50 اەك (216 250 تەڭگە);
– زاڭدى تۇلعالارعا – 100 اەك (432 500 تەڭگە);
– قايتالانعان جاعدايدا – 2 ەسەگە دەيىن وسەدى.
سونىمەن قاتار, العاش رەت جانۋارلاردى كۇتىپ-باعۋ جانە سەرۋەندەتۋ ەرەجەلەرىن بۇزۋ سالدارىنان ازاماتتاردىڭ دەنساۋلىعىنا نەمەسە مۇلكىنە زيان كەلسە, اكىمشىلىك جاۋاپكەرشىلىك ەنگىزىلەدى. بۇل جاعدايدا جەكە تۇلعالارعا 100 اەك (432 500 تەڭگە), قايتالانسا 150 اەك (648 750 تەڭگە), لاۋازىمدى تۇلعالارعا 150-200 اەك, زاڭدى تۇلعالارعا 200-400 اەك (1 730 000 تەڭگە) كولەمىندە ايىپپۇل قاراستىرىلعان.
قازاقستاندا يەسىز جانۋارلاردى تەگىن ۆاكتسيناتسيالاۋ توقتاتىلادى
ۆيتسە-ءمينيستردىڭ ايتۋىنشا, بۇل شارالار قاڭعىباس جانە قاراۋسىز جانۋارلار سانىن ازايتۋعا باعىتتالعان.
نۇربولات امانبەك
