رەسمي دەرەككە بويىنشا جول-كولىك وقيعالارى 20%-عا قىسقارعان. قازىرگى تاڭدا 8 اقىلى ۋچاسكەدە ورنالاسقان بەينەكامەرالار ورتاشا جىلدامدىقتى تىركەيدى. ولار قۇقىق بۇزۋشىلىق فاكتىلەرىن ءتيىستى مەملەكەتتىك ورگاندارعا جولدايدى. جىل سوڭىنا دەيىن قوسىمشا 16 اقىلى ۋچاسكەدە جىلدامدىقتى باقىلايتىن جۇيەنى ورناتۋ جوسپارلانىپ وتىر. بيىل ەلدەگى 8 900 شاقىرىم رەسپۋبليكالىق اۆتوجولداردا ءتۇرلى جوندەۋ جۇمىستارى جۇرگىزىلەدى. ونىڭ 3 400 شاقىرىمى جاڭارتىلسا, 324 شاقىرىمى كۇردەلى, قالعان 5 200 شاقىرىمى ورتاشا جوندەۋدەن وتەدى. جوسپارلانعان جۇمىستاردى ورىنداۋعا 12 مىڭ بىرلىك ارنايى تەحنيكا, 25 مىڭنان استام مامان جانە 193 اسفالتبەتون زاۋىتى جۇمىلدىرىلادى.
- بيىلعى جۇمىستار باستالدى. ونىڭ ىشىندە 3400 شاقىرىم قايتا جاڭعىرتۋ جانە 5200 شاقىرىمى ورتاشا جوندەۋ جۇمىستارى جاسالادى دەپ وتىرمىز, - دەيدى «قازاۆتوجول» ۇك» اق رەسمي وكىلى ساكەن دىلداحمەت.
