فوتو: اشىق دەرەككوز
جاڭا جۇيە 10 ساۋىردەن باستاپ شەنگەن ايماعىنا كىرەتىن 29 ەلدە جۇمىس ىستەي باستادى. مينيسترلىك وكىلىنىڭ سوزىنشە, پاسپورتتارعا ءمور باسۋ ءراسىمىن الماستىرادى.
«شەنگەن ايماعى ەلدەرىنىڭ بىرىنە العاش رەت كىرگەن كەزدە شەتەل ازاماتتارىنان جول ءجۇرۋ قۇجاتتارىنىڭ دەرەكتەرى, بيومەتريالىق مالىمەتتەرى, سونداي-اق كىرۋ جانە شىعۋ ۋاقىتى مىندەتتى تۇردە تىركەلەدى. بۇل رەتتە 12 جاسقا تولماعان بالالاردىڭ ساۋساق ىزدەرى الىنبايدى», دەدى ەرلان جەتىباەۆ.
سونداي-اق ول قانداي جاعدايدا ەلگە كىرۋگە تىيىم سالۋ جاعدايلارى دا تىركەلەتىندىگىن اتاپ ءوتتى.
«كەيىنگى ساپارلار كەزىندە شەكارادان ءوتۋ ءراسىمى جەڭىلدەتىلىپ, تۇلعانى بەت-بەينەسى ارقىلى راستاۋ مۇمكىندىگى قاراستىرىلعان. بيومەتريالىق دەرەكتەردى ۇسىنۋدان باس تارتقان جاعدايدا شەنگەن ايماعىنا كىرۋگە تىيىم سالىنۋى مۇمكىن», دەدى ە.جەتىباەۆ.
راسىمدەردى جەڭىلدەتۋ ماقساتىندا ەۋرووداق ارنايى ءموبيلدى قوسىمشا ازىرلەگەن. ول ارقىلى ساپارعا دەيىن 72 ساعاتتان ەرتە ەمەس مەرزىمدە پاسپورت دەرەكتەرىن جانە بەت-الپەت فوتوسۋرەتىن جۇكتەۋگە بولادى.
شەكاراداعى كەزەك ازايادى: وتكىزۋ بەكەتتەرىندە 200 ورىندىق اۆتوتۇراقتار سالىنادى
ەسكە سالا كەتەيىك, بۇعان دەيىن جي ارقىلى قازاقستان شەكاراسىنان ءوتۋ ۋاقىتى 4 ساعاتتان 30 مينۋتقا دەيىن قىسقاراعانىن جازعان ەدىك.
