فوتو: اقوردا
«قارىم-قاتىناسىمىزدى دامىتۋداعى كۇش-جىگەرىڭىز ەرەكشە ماڭىزعا يە. ءسىزدى قازاقستاندا سەنىمدى دوس جانە حالىقارالىق دەڭگەيدەگى كورنەكتى مەملەكەت قايراتكەرى رەتىندە تانيدى. كەنيانى ەكونوميكالىق تۇرعىدان وركەندەتۋگە, ەلدى جاڭعىرتۋعا, حالىقتىڭ ءال-اۋقاتىن ارتتىرۋعا باعىتتالعان اۋقىمدى رەفورمالارىڭىز قۇرمەتكە لايىق», دەدى قازاقستان پرەزيدەنتى.
مەملەكەت باسشىسى كەنيا پرەزيدەنتىنىڭ افريكاداعى بىرلىكتى ساقتاۋعا, الەمدىك قوعامداستىقپەن مازمۇندى سەرىكتەستىكتى دامىتۋعا ىقپال ەتەتىن سىندارلى ديالوگقا بەيىل ەكەنىن اتاپ ءوتتى.
«قازاقستان مەن كەنيا اراسىنداعى ىنتىماقتاستىقتى نىعايتۋعا ەلەۋلى ۇلەس قوسقانىڭىزدى ەسكەرە وتىرىپ, سىزگە ءى دارەجەلى «دوستىق» وردەنىن تاپسىرۋدى زور مارتەبە سانايمىن. بۇل جوعارى ماراپات – قازاقستاننىڭ شەكسىز قۇرمەتى مەن ريزاشىلىعىنىڭ, سەنىم مەن ءوزارا قۇرمەتكە نەگىزدەلگەن قارىم-قاتىناستى جانداندىرۋ نيەتىنىڭ بەلگىسى», دەدى قاسىم-جومارت توقاەۆ.
مەملەكەت باسشىسى كەنيا پرەزيدەنتىمەن شاعىن قۇرامدا كەلىسسوز جۇرگىزدى
ۋيليام رۋتو جوعارى ناگرادامەن ماراپاتتاعانى ءۇشىن مەملەكەت باسشىسىنا العىس ايتتى.
«مەن بىرلىك, ءوزارا قۇرمەت پەن ىنتىماقتى بەينەلەيتىن اتالعان وردەنمەن ماراپاتتالعانىما قۋانىشتىمىن. كەنيا جۇرتى دا قازاقستان حالقى سياقتى ۇيلەسىمدى وركەندەۋگە ۇمتىلادى. بۇل ەلدەرىمىزدىڭ دوستىق رۋحىنداعى سەرىكتەستىگىن ودان ءارى نىعايتۋعا جول اشادى دەپ سەنەمىن», دەدى كەنيا پرەزيدەنتى.
بۇعان دەيىن قازاقستان مەن كەنيا پرەزيدەنتتەرى كەڭەيتىلگەن قۇرامدا كەلىسسوز جۇرگىزگەنى تۋرالى حابارلاعانبىز.
