فوتو: ۆيدەودان الىنعان كادر
«قازىر بەلگى وزگەردى – سولعا بۇرىلۋعا تەك ءبىر جولاق قانا قاراستىرىلعان. سونىڭ سالدارىنان جولدا قاۋىپتى جاعدايلار تۋىنداپ جاتىر», دەلىنگەن جازبادا.
ءبىر بيلەتپەن ەكى ادام وتۋگە بولمايدى: LRT باسشىلىعى جولاۋشىلارعا ەسكەرتۋ جاسادى
ولاردىڭ ايتۋىنشا, اتالعان اۋماقتا پوليتسيا قىزمەتكەرلەرى كۇشەيتىلگەن رەجيمدە جۇمىس ىستەپ, ەرەجە بۇزعان جۇرگىزۋشىلەرگە حاتتاما تولتىرىپ جاتىر.
قالا تۇرعىندارى جاڭا قوزعالىس سىزباسى جاعدايدى جەڭىلدەتۋدىڭ ورنىنا قيىنداتىپ جىبەرگەنىن ايتادى. ولاردىڭ سوزىنشە, تاۋەلسىزدىككە بۇرىلاتىن ءبىر جولاق تاڭعى ۋاقىتتا كولىك اعىنىن وتكىزۋگە جەتكىلىكسىز.
سونىمەن قاتار تۇرعىندار «گورودسكوي رومانس» شاعىن اۋدانىنان كەلەتىن كولىك لەگى مەن ناجىمەدەنوۆ كوشەسى جاعىنداعى وزگەرىستەردىڭ دە جاعدايدى ۋشىقتىرعانىن العا تارتتى. اتالعان باعىتتا ازىرەت سۇلتان مەشىتىنە قاراي تىكەلەي بۇرىلىس الىنىپ تاستالىپ, تەك كەرى اينالۋ نەمەسە وزگە كوشەلەر ارقىلى ءوتۋ مۇمكىندىگى قالعان.
«كەمىندە ەكى جولاق قالدىرۋ كەرەك ەدى. قازىر امانجولوۆ كوشەسىندە كۇن سايىن ۇلكەن كەپتەلىس بولادى. بۇرىن بۇل جەردەن توقتاۋسىز وتەتىنمىن, قازىر 10 مينۋتتاپ تۇرامىن. باعدارشام دا از ۋاقىت جانادى. مۇنداي وزگەرىس كەپتەلىستى ودان سايىن كۇشەيتتى», دەپ جازدى كاسىپكەر ەركىن ەركەبەك ۇلى.
كەيىنىرەك ە. ەركەبەك ۇلى اكىمدىك جۇرگىزۋشىلەردىڭ شاعىمىنا قۇلاق اسىپ, سولعا بۇرىلاتىن ەكىنشى جولاقتى قايتا قوسقانىن حابارلادى.
بۇعان دەيىن استانادا اباي داڭعىلىنىڭ ءبىر بولىگى 18-22 مامىر ارالىعىندا جابىلاتىنىن حابارلاعانبىز.
