فوتو: advantour.com
ەرلان قارين يۋنەسكو-نىڭ قولداۋىمەن استانادا ۇيىمداستىرىلعان «التىن وردا دالا وركەنيەتىنىڭ مودەلى رەتىندە: تاريح, ارحەولوگيا, مادەنيەت, بىرەگەيلىك» حالىقارالىق سيمپوزيۋمىنا قاتىسقانى ءۇشىن دۇنيەجۇزىلىك مۇرا ورتالىعىنىڭ باسشىسىنا ريزاشىلىعىن ءبىلدىردى.
سونداي-اق باسقوسۋدا قازاقستان تاريحى مەن مادەنيەتى ءۇشىن ايرىقشا ماڭىزعا يە مۇرا نىسانداردى يۋنەسكو-نىڭ حالىقارالىق تىزىمدەرىنە ەنگىزۋ ماسەلەلەرى تالقىلاندى.
اتاپ ايتقاندا, وسى جىلدىڭ 19-29 شىلدە كۇندەرى وڭتۇستىك كورەيانىڭ پۋسان قالاسىندا وتەتىن جيىندا قازاقستاننىڭ قاتىسۋىمەن ەكى نوميناتسيا قاراستىرىلاتىن بولادى.
پرەزيدەنت يۋنەسكو-نىڭ بۇرىنعى باس ديرەكتورىن Qoja Ahmet Yasaui وردەنىمەن ماراپاتتادى
ءبىرىنشىسى – «ماڭعىستاۋدىڭ جەراستى مەشىتتەرى». اتالعان ۇلتتىق ءوتىنىم اياسىندا بەكەت اتا, قارامان اتا, شوپان اتا, شاقپاق اتا جانە سۇلتان ەپە كورنەكتى ەسكەرتكىشتەرى ۇسىنىلعان.
ەكىنشىسى – «جىبەك جولى: فەرعانا – سىرداريا ءدالىزى». بۇل – قازاقستان, قىرعىزستان, تاجىكستان جانە وزبەكستان مەملەكەتتەرى بىرلەسىپ ۇسىنعان ترانسۇلتتىق نوميناتسيا. ونىڭ اياسىندا ەلىمىز تاراپىنان يۋنەسكو تىزىمىنە الەمگە ايگىلى وتىرار, ساۋران, تۇركىستان, سىعاناق, جەتىاسار, جانكەنت قالاشىقتارى ۇسىنىلدى.
مەملەكەتتىك كەڭەسشى قازاقستان يۋنەسكو-مەن ىنتىماقتاستىققا ەرەكشە ءمان بەرەتىنىن جانە ءوزارا ءتيىمدى ارىپتەستىكتى نىعايتۋعا مۇددەلى ەكەنىن اتاپ ءوتتى.
پرەزيدەنت: ەلىمىز يۋنەسكو-نىڭ قولداۋىمەن كوپتەگەن ماڭىزدى جوبانى جۇزەگە اسىردى
ايتا كەتەيىك, بۇعان دەيىن ۇكىمەت يۋنەسكو جانە يسەسكو اياسىندا مادەني مۇرانى ساقتاۋ جانە ىلگەرىلەتۋدىڭ 2026-2028 جىلدارعا ارنالعان كەشەندى جوسپارىن بەكىتتى.
