ء«بىزدىڭ كەرەمەت اسكەري قىزمەتكەرلەردەن كەشە تۇندە يراندىقتاردىڭ ورمۋز بۇعازى ۇستىندە پاترۋلدىك تاپسىرما ورىنداپ جۇرگەن جوعارى تەحنولوگيالىق Apache تىكۇشاعىمىزدىڭ ءبىرىن اتىپ تۇسىرگەنى تۋرالى اقپارات الدىم», دەپ جازدى ترامپ.
ونىڭ ايتۋىنشا, تىكۇشاقتىڭ ەكى ۇشقىشى دا زارداپ شەكپەگەن جانە قاۋىپسىز جەردە.
«سوعان قاراماستان, اقش بۇل شابۋىلعا جاۋاپ بەرۋگە ءماجبۇر», دەدى ترامپ.
8 ماۋسىم كۇنى ورمۋز بۇعازى ماڭىندا اقش ارمياسىنىڭ Boeing AH-64 Apache تىكۇشاعى اپاتقا ۇشىرادى. The New York Times باسىلىمىنىڭ جازۋىنشا, Apache تىكۇشاقتارى, MQ-9 Reaper ۇشقىشسىز ۇشۋ اپپاراتتارى, سونداي-اق F/A-18 جانە F-35 جويعىشتارى يراننىڭ ورمۋز بۇعازىن جابۋىنا جول بەرمەۋگە باعىتتالعان اقش اسكەري وپەراتسياسى اياسىندا قولدانىلعان.
باسىلىم مالىمەتىنشە, بۇل اقش پەن ءيزرايلدىڭ يرانعا قارسى وپەراتسياسى باستالعالى بەرى Apache تىكۇشاعىنىڭ العاش رەت جوعالۋى.
وقيعاعا پىكىر بىلدىرگەن ترامپ ۇشقىشتاردىڭ جاعدايى جاقسى ەكەنىن ايتىپ, وقيعا بويىنشا ەسەپ 9 ماۋسىمدا ۇسىنىلاتىنىن جەتكىزدى.
