فوتو: KFF
ويىننىڭ العاشقى تايمىندا قازاق فۋتبولشىلارى بەلسەندى ونەر كورسەتتى. ءبىزدىڭ جىگىتتەر جوعارى قارقىنمەن قىسىم كورسەتىپ, بىرنەشە قاۋىپتى شابۋىل جاسادى. سونىڭ ناتيجەسىندە 9-مينۋتتا ماكسيم سامورودوۆتىڭ پاسىنان سەرگەي مالىي گولعا اينالدىردى.
ۇزىلىستەن كەيىن الاڭ يەلەرى باستامانى ءوز قولىنا الدى. 53-مينۋتتا دومينيك سوبوسلاي ايىپ الاڭىنا باعىتتالعان پاستى ءساتتى پايدالانىپ, تارازى باسىن تەڭەستىردى.
الايدا قازاقستاندىقتارعا ويىن قارقىنىن ساقتاپ قالۋ قيىنعا سوقتى. 62-مينۋتتا ماكسيم سامورودوۆقا تورەشى ەسكەرتۋ جاسادى. ەكىنشى سارى قاعاز العان سامورودوۆ الاڭنان قۋىلدى.
سان باسىمدىعىن پايدالانعان ۆەنگريالىقتار بەس مينۋتتان كەيىن العا شىقتى. 67-مينۋتتا اندراش شەفەر الىستان ءدال سوققى جاساپ, قازاقستان قاقپاسىنا گول سوقتى.
وسىدان كەيىن ويىن تارتىستى كۇرەسكە ۇلاستى. كەي ساتتەردە ويىن قارقىنى جولداستىق كەزدەسۋدىڭ دەڭگەيىنەن اسىپ ءتۇستى.
كەزدەسۋدىڭ سوڭعى نۇكتەسىن رايمۋند توت قويدى. ول قوسىمشا ۋاقىتتا قازاقستان قۇراماسىنىڭ قاقپاسىنا ءۇشىنشى گولدى سوعىپ, كەزدەسۋدىڭ قورىتىندى ناتيجەسىن بەلگىلەدى. ەسەپ 3:1.
گولدار:
سەرگەي مالىي, 9 (0:1);
دومينيك سوبوسلاي, 52 (1:1);
اندراش شەفەر, 67 (2:1);
رايمۋند توت, 90+2 (3:1).
قازاقستان مەن ۆەنگريا قۇرامالارى ءۇشىن بۇل ماۋسىمداعى ەكىنشى جولداستىق ماتچ بولدى. بۇعان دەيىن تالعات بايسۋفينوۆ شاكىرتتەرى ارمەنيا قۇراماسىمەن 1:1 ەسەبىمەن تەڭ تۇسسە, ماجارلىقتار فينليانديانى 2:1 ەسەبىمەن جەڭگەن ەدى.
