فوتو: اشىق دەرەككوز
وسىعان بايلانىستى اعىلشىن كلۋبىنىڭ وكىلدەرى فۋتبولشىنىڭ اناسى ءارى اگەنتى فايزا لاماريمەن بايلانىسقا شىققان. الدىن الا اقپاراتقا سايكەس, الونسو مەن مباپپە اراسىندا مادريدتىك كلۋبتاعى بىرلەسكەن جۇمىس كەزىندە جاقسى قارىم-قاتىناس قالىپتاسقان.
بۇعان دەيىن شەتەلدىك باق-تا فۋتبولشىنىڭ «رەالداعى» جاعدايىنا كوڭىلى تولمايتىنى تۋرالى اقپارات تاراعان بولاتىن. اتاپ ايتقاندا, «بەتيسكە» قارسى ماتچ الدىندا مباپپە مەن باپكەرلەر شتابى مۇشەلەرىنىڭ ءبىرى اراسىندا كەلىسپەۋشىلىك بولعانى حابارلانعان.
موۋرينو كورولدىك كلۋبقا قايتا ورالادى: «رەال» ەكى جىلدىق كەلىسىمشارت ۇسىندى
سونداي-اق جانكۇيەرلەر كورولدىك كلۋبتىڭ سوڭعى ۋاقىتتارداعى سۇرەڭسىز ويىن كورسەتىپ جۇرگەندىگىن كلۋب كوشباسشىلارى مباپپە مەن ۆينيسيۋس جۋنيوردءىڭ قارىم-قاتىناسىمەن بايلانىستىرادى. ەسكە سالا كەتسەك, بۇعان دەيىن يسپاندىق كلۋب ويىنشىلارى اراسىنداعى جانجال تۋرالى جازعان ەدىك.
