ايماقتار • 26 اقپان، 2020

ماڭعىستاۋدا تەڭىزدە اپاتقا ۇشىراعان ادامداردى قۇتقارۋ بويىنشا وقۋ-جاتتىعۋ ءوتتى

14 رەتكورسەتىلدى

كاسپي تەڭىزى جاعالاۋىندا، اقتاۋ قالاسى جەدەل-قۇتقارۋ جاساعىنىڭ قۇتقارۋ بولىمشەسىنىڭ اۋماعىندا قىس مەزگىلىندە ادامداردى قۇتقارۋ كەزىندەگى ءىس-ارەكەتتەردى پىسىقتاۋ جانە «كوكتەم-2020» رەسپۋبليكالىق كوماندالىق-شتابتىق وقۋ-جاتتىعۋ شەڭبەرىندە ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىن، كۇشتەرى مەن قۇرالدارىن كوكتەمگى سۋ تاسقىنى كەزەڭىندە توتەنشە جاعدايلاردى جويۋ كەزىندەگى ءىس-قيمىلدارعا دايىنداۋ بويىنشا ارنايى-تاكتيكالىق وقۋ-جاتتىعۋ ءوتتى. بۇل تۋرالى ماڭعىستاۋ وبلىستىق توتەنشە جاعدايلار دەپارتامەنتى ءباسپاسوز قىزمەتى حابارلادى.

وقۋ-جاتتىعۋدىڭ مازمۇنى بويىنشا بالىقشىلارمەن بىرگە قايىقتى تەڭىزگە الىپ كەتكەن بولاتىن. كۋاگەرلەر وقيعا تۋرالى «112» تەلەفون ءنومىرى ارقىلى حابارلادى. قۇتقارۋ كاتەرىمەن قۇتقارۋشىلار تەز ارادا تەڭىزگە شىقتى. بالىقشىلار وزدەرىنىڭ ورنالاسقان جەرىن جانىپ تۇرعان فالشفەيەر ارقىلى ءبىلدىردى. قۇتقارۋشىلار «زارداپ شەگۋشىلەردى» قايىق ارقىلى جاعاعا قاۋىپسىز جەرگە كوشىردى، ودان كەيىن اپاتتىق مەديتسيناسى ورتالىعىنىڭ ماماندارىنا قاجەتتى كومەك كورسەتۋ ءۇشىن تاپسىردى.

وقۋ-جاتتىعۋدىڭ ماقساتى – ماڭعىستاۋ وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ كۇشتەرى مەن قۇرالدارىنىڭ قىس مەزگىلىندەگى ىقتيمالدى تج-عا قارسى ارەكەت ەتۋگە دايىندىعىن انىقتاۋ. وقۋ-جاتتىعۋ بارىسىندا زارداپ شەگۋشىلەردى قۇتقارۋ بويىنشا تاجىريبەلىك داعدىلار مەن توتەنشە جاعدايلاردى جويۋ كەزىندەگى شۇعىل قىزمەتتەردىڭ باسقارۋ ورگاندارىنىڭ بىرلەسكەن ءىس-ارەكەتتەرى پىسىقتالدى.

 

ماڭعىستاۋ وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار