ايماقتار • 26 اقپان، 2020

ماڭعىستاۋلىق پوليتسەيلەر كاسىبي دايارلىقتان وتۋدە

84 رەتكورسەتىلدى

ارنايى جانە جۇمىلدىرۋ دايىندىعى باسقارماسىنىڭ قىزمەتكەرلەرى ارنايى دايىندىق بويىنشا ساباقتار وتكىزۋدە. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.

پوليتسيا قىزمەتكەرلەرىنىڭ كاسىبي دەڭگەيىن ارتتىرۋ ءۇشىن جىل سايىن اقپان ايىنان قازان ايىنا دەيىن ارنايى جۇمىلدىرۋ دايىندىعى باسقارماسىنىڭ وقۋ ورتالىعىندا ماڭعىستاۋ وبلىسى پوليتسيا دەپارتامەنتى قىزمەتكەرلەرىنىڭ قاتىسۋىمەن بەس كۇندىك وقۋ-جاتتىعۋ جيىنى وتكىزىلەدى.

وقۋ-جاتتىعۋ ساباقتارىندا اقتاۋ قالاسىنىڭ ارنايى جانە جۇمىلدىرۋ دايىندىعى باسقارماسىنىڭ قىزمەتكەرلەرى ارنايى دايىندىق، اسكەري-مەديتسينالىق دايىندىق، اتىس دايىندىعى، دەنە شىنىقتىرۋ دايىندىعى جانە كۇرەس بويىنشا ساباقتار وتكىزەدى.

ءبىر ۋاقىتتا 38 قىزمەتكەر وقىتىلادى.ولاردىڭ كۇنى 3 كم قاشىقتىققا تاڭەرتەڭگى جۇگىرۋدەن جانە جالپى دەنە دايىندىعىنان باستالادى. اتىس دايىندىعى بويىنشا قارۋمەن جۇمىس ىستەۋ كەزىندەگى قاۋىپسىزدىك شارالارىن، اتقىش كودەكسىن، تاپانشالاردى بولشەكتەۋ جانە جيناۋ، IPSC ادىستەمەسى بويىنشا تاپانشالار مەن اۆتوماتتاردان اتۋ نەگىزدەرى مەن ەرەجەلەرىن، تىرەۋدى، قارۋدى ۇستاپ تۇرۋدى، قارۋ-جاراق پەن وق-دارىلەردىڭ ارنالۋىن، تتح قارۋلانۋدى ۇيرەتەدى. ارنايى دايىندىق تاكتيكاسى بويىنشا قىزمەتكەرلەر كۇدىكتىنى، اۆتوكولىكتى، دالىزدەردى جانە باسپالداق ارالىقتارىن تەكسەرىپ قاراۋ كەزىندەگى ءىس-قيمىلداردى جانە عيماراتتىڭ شاشىراڭقى تۇرلەرىن، اۆتوكولىكتى توقتاتۋ كەزىندەگى الگوريتمدى، قولدان جاسالعان جارىلعىش زاتتاردى بايقاعان كەزدەگى ءىس-قيمىلداردى زەردەلەيدى. اسكەري-مەديتسينالىق دايىندىق ءپانى بويىنشا قىزمەتكەرلەر العاشقى مەديتسينالىق كومەك كورسەتۋ تاسىلدەرىن (جاراقاتتار، جارالانۋلار، كۇيىكتەر، سۋعا باتۋلار، تالۋ) ۇيرەنىپ، وقيدى. كۇرەسۋدىڭ جاۋىنگەرلىك تاسىلدەرى بويىنشا لاقتىرۋلاردى ورىنداۋ تەحنيكاسى، اۋىرسىنۋ جانە تۇنشىقتىراتىن تاسىلدەر، قورعاۋ تاسىلدەرى، كونترپرەمالار، ۇستاۋ، سوققىدان، پىشاقتان، تاياقشادان، تاپانشادان قابىلداۋلار پىسىقتالادى.

جاۋىنگەرلىك مىندەتتەردى تابىستى ورىنداۋ ءۇشىن وقىتۋ بەس كيلومەترلىك مارش-لاقتىرۋدان وتەدى، بۇل پوليتسيا قىزمەتكەرلەرىنىڭ توزىمدىلىگىن، جالپى دەنە دايىندىعىن دامىتادى، كۇردەلى كەدەرگىلەردى جەڭۋگە ۇيرەتەدى، جەرگىلىكتى جەردە باعدارلاۋ داعدىلارىن نىعايتۋعا ىقپال ەتەدى. ءوتۋ ۆزۆودپەن جۇزەگە اسىرىلادى.

مارە سىزىعىنا ۆزۆود تولىق قۇرامدا كەلۋى ءتيىس. ساباقتار ناتيجەلەرى بويىنشا دايارلىقتىڭ 5-ءشى كۇنى ءبىلىم الۋشىلاردا اتىس، دەنە شىنىقتىرۋ، اسكەري-مەديتسينالىق، تاكتيكالىق-ارنايى دايارلىق جانە كۇرەستىڭ جاۋىنگەرلىك تاسىلدەرى بويىنشا باقىلاۋ-تەكسەرۋ سىناقتارى قابىلدانادى. ەگەر پوليتسيا قىزمەتكەرى باقىلاۋ-تەكسەرۋ سىناعىن تاپسىرا الماسا، وندا ول ەكى اي وتكەننەن كەيىن قايتا وقۋعا شاقىرىلادى. وقىتۋ نەگىزىنەن ساپتىق جانە جەدەل بولىمشەلەردىڭ قىزمەتكەرلەرىنە وتەدى.

 

ماڭعىستاۋ وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار