ەتنوس وكىلدەرىنىڭ باسىن قوسقان بايقاۋدى ۇيىمداستىرۋداعى ماقسات – اركىمنىڭ ءوز انا ءتىلىنىڭ كوركەمدىگىن سەزىنۋى, باسقا ءتىلدى قۇرمەتتەي بىلۋگە شاقىرۋ جانە تىلدىك, مادەني ارتۇرلىلىكتى, تىلدىك ەرەكشەلىكتى ساقتاۋ, قوعامدىق كەلىسىم مەن ەل بىرلىگىن نىعايتۋ.
بايقاۋعا قاتىسۋشىلار وزدەرىن مەملەكەتتىك تىلدە تانىستىردى جانە اباي قۇنانباي ۇلىنىڭ شىعارمالارىن قازاق تىلىندە مانەرلەپ وقىدى. ۇلى ابايدىڭ شىعارمالارىن ادەمى جەتكىزە بىلگەن ەتنوس جاستارىنا باعا بەرۋ قازىلار القاسىنا دا وڭاي تيگەن جوق. سايىس بولعان جەردە جەڭىس تە, جەڭىلىس تە بولاتىنى بەلگىلى.
ادىلقازىلار ءادىل شەشىم شىعارىپ, ناتيجەسىندە ءىىى ورىندى دونسكايا ۆيكتوريا (№12 ورتا مەكتەپ) جانە بايراموۆ دەنيس (№10 ورتا مەكتەپ), ءىى ورىندى ناۆاسارديان ديانا (ن.ماراباەۆ اتىنداعى №17 مەكتەپ-ليتسەيى), ءى ورىندى بايراموۆا گۋلسۋم (ن.وڭداسىنوۆ اتىنداعى №5 ورتا مەكتەپ) يەلەندى.
انا ءتىلىنىڭ قادىرىن ارتتىرعان بۇل شاراعا بەلسەندى قاتىسقان ءوڭىرىمىزدىڭ ەتنومادەني بىرلەستىكتەرىنىڭ ونەرپاز مۇشەلەرى ءان-بيلەرىمەن شاشۋ شاشىپ, كەش اجارىن اشا ءتۇستى.
ماڭعىستاۋ وبلىسى
