جاتتىعۋ جوسپارى بويىنشا اۋىسىم باستىعىنا جىلىتۋ جۇيەسىندەگى اقاۋ بويىنشا اقپارات كەلىپ ءتۇستى. ناتيجەسىندە كەيبىر ۇيىمدار جىلۋسىز كالعانى انىقتالدى. اۋىسىم باستىعى «كجسا» مكو باسشىسىمەن كەلىسىپ جانە قاجەتتى قۇجاتتاردى تولتىرىپ, جەدەل توپپەن جوندەۋ جۇمىستارىن جۇرگىزۋ ءۇشىن جىلۋدى ايىردى. «كجسا» مكو باسشىسى, توتەنشە جاعداي تۋىنداۋىنا بايلانىستى تجب باستىعى ازاماتتىق قورعاۋ پودپولكوۆنيگى الماز يسكاكوۆقا جىلۋ جۇيەسىندەگى اۆاريا تۋرالى بولعان جاعدايدى حابارلادى.
وقيعا ورنىنا قۇرامىندا 6 دانا تەحنيكاسى جانە 13 ادامى بار جەدەل جوندەۋ بريگاداسى جىبەرىلدى.
جەدەل توپ جىلۋدى ايىرىپ, سونىمەن قاتار ىشكى جۇيەنىڭ قاتىپ قالماۋىن بولدىرماۋ ءۇشىن تۇربانىڭ ءىشىن قالعان سۋدان ارنايى قۇرىلعىلارمەن تازالادى.
سودان كەيىن كوممۋنيكاتسيالاردى كورسەتۋ ءۇشىن اۋەس, اقتاۋگاز, قازاقتەلەكوم وكىلدەرى شاقىرىلدى.
كوممۋنيكاتسيالاردى كورسەتكەننەن كەيىن جەردى قازۋ جۇمىستارى جۇرگىزىلدى, سونىمەن بىرگە جىلۋ قۇدىعى اشىلدى جانە جىلىتۋ تۇرباسىن جابىندىسى الىنىپ, جارىلعان ماگيسترالدى تۇربا قۇبىرى تابىلدى.
جارىلعان جەرگە ارنايى دانەكەرلەۋ تەحنيكاسىمەن اۆاريالىق بريگادا جۇمىلدىرىلدى, ەكى ساعات ىشىندە دۋ273 L-3 مەترلىك تۇربا اۋىستىرىلىپ, جىلۋ بەرىلدى. گيدرويزولياتسيا ارقىلى اۆاريا ورنى تەكسەرىلدى, سودان كەيىن اۆاريا بولعان جەردى قايتا قالپىنا كەلتىرۋ جۇمىستارى جۇرگىزىلدى.
ماڭعىستاۋ وبلىسى
