سەرىكتەستىك ساتىپ الۋ بويىنشا مۇنايلى اۋدانداعى №10 «اقبوتا» بالاباقشاسى اراسىندا جاساقتالعان كەلىسىم شارتقا سايكەس, اتقارىلعان جۇمىستارى ءۇشىن 545 مىڭ تەڭگەنى تولەمەي وتىرعانىن مالىمدەيدى. بۇل تۋرالى اتالعان پالاتانىڭ ءباسپاسوز قىزمەتى حابارلادى.
ناقتى ايتار بولساق, «اۆانپوست سەكيۋريتي «كۇزەت اگەنتتىگى» جشس №10 «اقبوتا» بالاباقشاسى اراسىندا 01.04.2019 جىلى تاپسىرىس بەرۋشىنىڭ وبەكتىسىن قورعاۋ تۋرالى مەملەكەتتىك ساتىپ الۋ شارتى جاساقتالعان. شارتتىڭ جالپى سوماسى 1 545 000 تەڭگەنى قۇرايدى جانە قولدانىلۋ مەرزىمى 31.12.2019 جىلعا دەيىن.
بۇگىنگى تاڭدا ورىنداۋشى شارت بويىنشا ءوزىنىڭ بارلىق مىندەتتەمەلەرىن تولىق كولەمدە اتقارعان, الايدا 2019 جىلدىڭ ءساۋىر ايىنان باستاپ قازىرگى ۋاقىتقا دەيىن تاپسىرىس بەرۋشى ورىندالعان جۇمىستار ءۇشىن 545 مىڭ تەڭگە كولەمىندە قاراجاتتى تولەمەي وتىر.
وسىنىڭ سالدارىنان «اۆانپوست سەكيۋريتي «كۇزەت اگەنتتىگى» جشس بيۋدجەتكە سالىق تولەۋ, قىزمەتكەرلەرىنە جالاقى جانە باسقا دا قارجىلىق مىندەتتەردى ورىنداۋدا قيىندىققا كەز بولدى.
ەگەر دە كاسىپكەر اتالعان ماسەلە بويىنشا نوتاريۋسقا جۇگىنىپ, اتقارۋ پاراعىن الىپ, ونى سوت ورىنداۋشىلارعا بەرگەن جاعدايدا, بالاباقشانىڭ ەسەپشوتى بۇعاتتالىپ, قاراجات اۋدارۋ وپەراتسيالارىنىڭ تولىق توقتاۋىنا اكەلەدى. ونىڭ ارتىندا قىزمەتكەرلەردىڭ اي سايىنعى جالاقىسى جانە باسقا دا ماڭىزدى تولەمدەر جاسالماي قالاتىنى بەلگىلى.
- اتالعان پروبلەمانى سوتقا دەيىن رەتتەۋ ماقساتىندا, وڭىرلىك كاسىپكەرلەر پالاتاسى بارلىق مۇددەلى تۇلعالارمەن جۇمىس كەزدەسۋىن ۇيىمداستىرىپ, وتىرىستىڭ قورىتىندىسى بويىنشا بالاباقشانىڭ وكىلدەرى تاپسىرىس بەرۋشىنىڭ الدىنداعى بەرەشەكتى 2020 جىلدىڭ 21 اقپانىنا دەيىن تولەيتىنىن مالىمدەپ, ۋادە بەردى», دەيدى وڭىرلىك كاسىپكەرلەر پالاتاسىنىڭ كاسىپكەرلەر قۇقىعىن قورعاۋ جانە اكىمشىلىك كەدەرگىلەردى تومەندەتۋ ءبولىمىنىڭ 1- ساناتتى ساراپشىسى اسىلبەك جارىلعاسوۆ.
17.02.2020 جىلى داۋلەت اۋىلىنداعى «اقبوتا» بالاباقشاسى «اۆانپوست سەكيۋريتي «كۇزەت اگەنتتىگى» جشس-مەن اتقارىلعان جۇمىستارى ءۇشىن 545 مىڭ تەڭگە كولەمىندە قاراجاتىن اۋدارعان.
وسىلايشا, كاسىپكەرلەر پالاتاسىنىڭ ارالاسۋىمەن ماسەلە وڭ شەشىلدى.
ماڭعىستاۋ وبلىسى
