ماڭعىستاۋ وبلىسىندا تاۋلىك بويى اۆتوماتتى رەجيمدە قۇقىق بۇزۋشىلىقتاردى انىقتايتىن 22 كەشەن بار.
«اۆتوۋراگان» جول قوزعالىسى ەرەجەلەرىن بۇزۋدى انىقتاۋعا جانە تىركەۋگە قابىلەتتى. پوليتسەيلەر «اۆتوۋراگان» كەشەندى جۇيەسىنىڭ كومەگىمەن جولداردا بەرەشەگى بار جۇرگىزۋشىلەردى انىقتايدى.
پوليتسيا قىزمەتكەرلەرى «اۆتوۋراگان» جىلجىمالى كەشەنىنىڭ كومەگىمەن 1180 جول قوزعالىسى ەرەجەسىن بۇزۋشىلاردى انىقتادى. ولار بويىنشا قۇقىق بۇزۋشى جۇرگىزۋشىلەرگە 9.701.515 تەڭگە سوماسىنا ايىپپۇل سالىنىپ 6.552.127 تەڭگە ايىپپۇل ءوندىرىلىپ الىنعان. ايىپپۇل تۇراعىنا 7 اۆتوكولىك سالىندى.
ايىپپۇلدى ەرىكتى تۇردە تولەۋ ءۇشىن قولدانىستاعى زاڭنامامەن 40 كۇندىك مەرزىم قاراستىرىلعان. زاڭنامادا كورسەتىلگەن مەرزىمدە ايىپپۇل تولەنبەگەن جاعدايدا اكىمشىلىك ماتەريال مەملەكەتتىك نەمەسە جەكە سوت ورىنداۋشىلارىنا ماجبۇرلەپ ءوندىرىپ الۋ ءۇشىن جىبەرىلەدى. اتقارۋشىلىق ءىس جۇرگىزۋ شەڭبەرىندە قازاقستان رەسپۋبليكاسىنان تىس جەرلەرگە شىعۋعا شەكتەۋ قويادى.
ماڭعىستاۋ وبلىسى
