شاقىرتۋعا سەبەپ - «فيزيولوگيالىق تۋ» تۋرالى حابارلاما. اتالمىش شاقىرتۋدى سول ءتۇنى كەزەكشىلىكتە بولعان جەدەل جاردەم ستانساسىنىڭ ديسپەتچەرى جارقىناي كەمالوۆا قابىلدادى. جولدا بارا جاتقان جەدەل جاردەم بريگاداسىن كۇتپەي-اق جۇكتى ايەلدىڭ تۋىسقاندارىنا «تەلەفون» ءپرينتسيپى بويىنشا كەڭەس بەرىلگەن.
بۇدان ءارى ديسپەتچەر جۇكتى ايەلدىڭ تۋىسىنا كىندىكتى قالاي دۇرىس كەسۋ كەرەكتىگى تۋرالى ايتقان. سەبەبى كىندىك قانشالىقتى دۇرىس كەسىلسە, سونشالىقتى بالانىڭ ومىرگە كەلۋى تىكەلەي بايلانىستى ەكەندىگى ەسكەرتىلگەن.
ناتيجەسىندە 1977 جىلى تۋعان ايەل سالماعى 3 كەلى 222 گرامم جانە بويى 52 سم قىز بالانى دۇنيەگە اكەلدى. بەلگىلى بولعانداي ايەلدى بوساندىرىپ العان ومىرگە كەلگەن ءسابيدىڭ ءوز اجەسى بولدى.
كىندىگى كەسىلىپ بالاسى اناسىنىڭ قولىنا تاپسىرىلعان بويدا جەدەل جاردەم بريگاداسى جەتىپ, انا مەن كىشكەنتاي ءسابيدى شۇعىل تۇردە بەينەۋ اۋداندىق ورتالىقتاندىرىلعان اۋرۋحاناسىنا جەتكىزىلگەن.
قازىر ەكەۋىنىڭ دە جاعدايى تۇراقتى. ءار كەتسە ءبىر اپتا جاتقان سوڭ, ۇيىنە جىبەرىلەدى. دارىگەرلەر ءتيىستى كومەكتى كورسەتۋدە.
ماڭعىستاۋ وبلىسى
