كاسىپقوي بوكس • 22 اقپان، 2020

بوكسشىلارىمىز فلويد مەيۆەزەردىڭ زالىندا جاتتىعادى

98 رەتكورسەتىلدى

قازاقستاننىڭ تانىمال كاسىپقوي بوكسشىلارى – جانقوش تۇراروۆ، ءالي بالوەۆ جانە ەسكەندىر حارسان كەزەكتى جاتتىعۋ جيىنىن اقش-تىڭ لاس-ۆەگاس قالاسىندا داڭقتى فلويد مەيۆەزەردىڭ زالىندا وتكىزەدى.

ەسىمدەرى جوعارىدا اتالعان بىلعارى قولعاپ شەبەرلەرىنىڭ بارلىعىنىڭ جولىنا بارشا قازاقستاندىق جانكۇيەرلەر ۇلكەن ۇمىتپەن قاراپ وتىر. ولاردىڭ بارلىعى دا تالاي دارىندى جاستىڭ توماعاسىن سىپىرعان بەلگىلى باپكەر ساعاتبەك مۇساحانوۆتىڭ شاكىرتتەرى.

ماسەلەن، 29 جاستاعى جانقوش تۇراروۆتىڭ كاسىپقوي رينگتە كۇش سىناسىپ جۇرگەنىنە 10 جىلدان استى. سول ارالىقتا 24 كەزدەسۋ وتكىزگەن ول بارلىعىندا جەڭىسكە جەتتى. 17 قارسىلاسىن نوكاۋتقا جىبەردى. ول ءبىرىنشى جارتىلاي ورتا سالماقتا ايقاسۋدا.

26 جاستاعى ءالي بالوەۆ ءبىرىنشى ورتا سالماقتا باق سىناپ ءجۇر. ءوزىنىڭ بارلىق توعىز جەكپە-جەگىندە جەڭىسكە جەتكەن جەرلەسىمىز جەتى باسەكەنى مەرزىمىنەن بۇرىن اياقتادى.  

جاستايىنان جاسىنداي جارقاراعان اسا جەڭىل سالماقتاعى ەسكەندىر حارسان قاتارىنان جەتى جەكپە-جەكتە جەڭىسكە جەتىپ، سونىڭ التاۋىندا قارسىلاستارىن ەسىنەن تاندىرىپ، بارشا كورەرمەننىڭ ىستىق ىقىلاسىنا بولەنگەن ەدى. الايدا بىلتىر جەلتوقسان ايىندا الماتىدا وتكەن كەزدەسۋدە ول جەڭىلستىڭ كەرمەك ءدامىن اتتى.

مىنە، ەندى «MTK Kazakhstan» كومپانياسىنىڭ ايتۋلى ءۇش بوكسشىسى ەندى اقش-قا اتتانىپ، 15 ناۋرىزعا دەيىن داڭقى جەر جارعان فلويد مەيۆەزەردىڭ زالىندا دايارلانادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار