ايماقتار • 18 اقپان، 2020

ماڭعىستاۋدا شاحماتتان ەل چەمپيوناتىنىڭ جارتىلاي فينالى وتۋدە

42 رەتكورسەتىلدى

اقتاۋ قالاسىندا شاحماتتان ەرلەر مەن ايەلدەر اراسىندا 2020 جىلعى قازاقستان رەسپۋبليكاسى چەمپيوناتىنىڭ ستاندارتتى «كلاسسيكالىق» تۇرىنەن جارتىلاي فينالى باستالدى. بۇل تۋرالى «قوعامدىق كوممۋنيكاتسيا ورتالىعىندا» ماڭعىستاۋ وبلىسى دەنە شىنىقتىرۋ جانە سپورت باسقارماسىنىڭ باسشىسى مىندەتىن اتقارۋشى قانات جۇماباەۆ ءمالىم ەتتى.

قازاقستان رەسپۋبليكاسى مادەنيەت جانە سپورت مينيسترلىگى، قازاقستان رەسپۋبليكاسى شاحمات فەدەراتسياسى، ماڭعىستاۋ وبلىستىق شاحمات فەدەراتسياسى ۇيىمداستىرعان جارىس 2020 جىلدىڭ اقپان ايىنىڭ 16-26 ارالىعىندا وتەدى.

تورەشىلەر قۇرامى  مادەنيەت جانە سپورت مينيسترلىگى، قازاقستان شاحمات فەدەراتسياسى مەن ماڭعىستاۋ شاحمات فەدەراتسياسى شەشىمىمەن تاعايىندالدى.

ەرلەر چەمپيوناتىنا 91، ايەلدەر چەمپيوناتىنا 36 سايىسكەر قاتىسۋدا.

ولاردىڭ اراسىندا جيىرمادان استامى حالىقارالىق فيدە شەبەرى اتاعىنىڭ يەگەرلەرى. سونداي-اق، چەمپيوناتتا جاس ەرەكشىلىگى شەكتەلمەگەن جانە الدىڭعى ورىنداردى يەلەنگەن ءۇش جۇلدەگەر ەل چەمپيوناتىنىڭ فينالىنا قاتىسۋ مۇمكىندىگىنە يە بولادى.

ايتا كەتەيىك، چەمپيوناتتىڭ جارتىلاي فينالى اقتاۋدا ەكىنشى جىل قاتارىنان وتكىزىلىپ وتىر.

بيىلعى وتكزىلگەلى وتىرعان جارتىلاي فينال قازاقستاندا وتكىزىلىپ كەلگەن جارتىلاي فينالداردىڭ تاريحىندا ەڭ مىقتى قاتىسۋشىلار قۇرامىمەن ەرەكشەلەنىپ وتىر.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار