ايماقتار • 18 اقپان، 2020

ماڭعىستاۋ: بىلتىر 229 مىڭنان استام ەلەكتروندى تسيفرلىق قولتاڭبا بەرىلدى

37 رەتكورسەتىلدى

ەلەكتروندى قىزمەتتەردى پايدالانۋ دەڭگەيىن ارتتىرۋ ماقساتىندا مەملەكەتتىك كورپوراتسيا 60/40 جاڭا قاعيداسىنا سايكەس، فرونت-وفيستەردى كەڭاۋقىمدى ترانسفورماتسيالاۋدان وتكىزىلدى. بۇل تۋرالى «ازاماتتارعا ارنالعان ۇكىمەت» مك ماڭعىستاۋ وبلىستىق فيليالى ءباسپاسوز قىزمەتى حابارلادى.

بۇرىن جۇمىس ورىندارىنىڭ 80%-ى وپەراتورلارعا تيەسىلى بولسا، ال قازىر بارلىق فرونت-وفيستە جۇمىس ورنىنىڭ 60%-ى وزىنە-ءوزى قىزمەت كورسەتۋ سەكتورىنا بەرىلگەن. وندا ازاماتتار «ەلەكتروندىق ۇكىمەت» پورتالى ارقىلى ەلەكتروندىق قىزمەتتەردى ءوز بەتىنشە الا الادى. ناتيجەسىندە ازاماتتاردىڭ ءوز بەتىنشە العان قىزمەتتەرىنىڭ سانى 1 023 352 -گە دەيىن ارتتى، «ەلەكتروندىق ۇكىمەت» پورتالىندا جۇمىس ىستەۋ جانە ەلەكتروندىق قىزمەتتەردى پايدالانۋعا 974 مىڭنان استام كەڭەس بەرىلدى.

سونىمەن قاتار 60 مىڭعا جۋىق ماڭعىستاۋلىق ءموبيلدى قوسىمشالاردى جۇكتەپ، ونىڭ كومەگىمەن ەلەكتروندىق قىزمەتتەردى پايدالانعان. ەلەكتروندى ۇكىمەت پورتالىنىڭ ۇيالى تەلەفونعا ارنالعان eGov mobile قوسىمشاسىندا بۇگىندە 59 قىزمەت قولجەتىمدى.

تۇرعىندار اراسىندا ەلەكتروندىق قىزمەتتەرىن پايدالانۋشىلار سانىن ارتتىرۋ ءۇشىن ءار حقو-دا ءموبيلدى تىركەۋ سەكتورلارى اشىلعان جانە 2019 جىلى MGOV ءموبيلدى ۇكىمەت بازاسىنا - 447 مىڭنان استام ازامات تىركەلگەن. وندا ماماندار ازاماتتى بازادا تىركەپ، بىردەن ءموبيلدى قوسىمشالار ارقىلى قىزمەتتەردى الۋ جولدارىن كورسەتىپ ۇيرەتەدى. بۇگىنگى كۇنگە 59 قىزمەت ەGov ءموبيلدى قوسىمشاسى ارقىلى جانە ەلەكتروندى ۇكىمەت پورتالىندا-52 كىزمەت ءبىر رەتتىك پارول ارقىلى كولجەتىمدى، سونىمەن قاتار، Telegram ءموبيلدى قوسىمشاسى ارقىلى-26، VK. Facebook ارقىلى-14 قىزمەت قولجەتىمدى.

سونىمەن قاتار 2019 جىلى 229 مىڭنان استام ەلەكتروندى تسيفرلىق قولتاڭبا بەرىلدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار