ايماقتار • 18 اقپان، 2020

ماڭعىستاۋ وبلىسىندا تەڭىز جاياۋ اسكەرىنىڭ تاكتيكالىق وقۋ-جاتتىعۋلارى ءوتتى

51 رەتكورسەتىلدى

تەڭىز جاياۋ اسكەرىنىڭ روتا-تاكتيكالىق توبى «ويماشا» پوليگونىنا تاكتيكالىق وقۋ-جاتتىعۋ وتكىزۋدە. بۇل تۋرالى «باتىس» وڭىرلىك قولباسشىلىعى ءباسپاسوز قىزمەتى حابارلادى.

وقۋ-جاتتىعۋلارى بولىمشەلەردىڭ جاۋىنگەرلىك دايارلىقتىڭ جوعارى دەڭگەيىنە كەلتىرىلۋىمەن باستالدى. دابىل بەرىلگەننەن كەيىن روتا كومانديرلەرى قويىلعان تاپسىرمالاردى انىقتاپ، قالىپتاسقان جاعدايدى باعالاپ، ايماقتىڭ رەكوگنيستسيروۆكاسىنا كىرىسىپ كەتتى. كەيىن قابىلداعان شەشىمدى باتالون كومانديرىنە بايانداعان سوڭ، جاۋىنگەرلىك تاپسىرمانى ورىنداۋ ءۇشىن بازالىق ايماققا مارش ورىنداۋ ءۇشىن بۇيرىق بەرىلدى.

ءبىرىنشى كەزەكتە كومانديرلەرگە ۇرىس بارىسىنداعى ءوزارا ءىس-قيمىل مەن ونىڭ قامتاماسىز ەتىلۋىن رەتكە كەلتىرۋ قاجەت بولدى. بيىلعى جىلى مەديتسينالىق پۋنكتتىڭ قۇرىلۋىنا، باسقارۋ پۋنكتتەرىنىڭ ينجەنەرلىك تۇرعىدا دۇرىس جابدىقتالۋىنا جانە روتا-تاكتيكالىق توپتارىنىڭ اتىس پوزيتسياسىن ورىنالاسۋىنا ەرەكشە كوڭىل ءبولىندى.

- وقۋ-جاتتىعۋدىڭ باستى ماقساتى بولىپ ءتۇرلى ۇرىس جاعدايلارىندا، جەكە قۇرام ءىس-ارەكەتتەرىن بارىنشا كەلىسىلتىرىلگەن جانە تياناقتى بولۋىن پىساقتاۋ بولدى. وقۋ-جاتتىعۋ قولايسىز اۋا-رايى جاعدايىندا وتكىزىلگەنىنە قاراماستان قويىلعان تاپسىرمالار تولىقتاي ورىندالدى. روتا كومانديرلەرى مەن بارلىق جەكە قۇرام قاجەتتى تاجىريبە الا الدى، - دەيدى 25744 اسكەري ءبولىمىنىڭ كومانديرى مۇرات اراپباەۆ.

اتالمىش وقۋ-جاتتىعۋلارعا 300-گە جۋىق جاۋىنگەرلەر جۇمىلدىرىلدى. ونىڭ قورتىندىسى بويىنشا 6 تەڭىز جاياۋ اسكەرى روتاسىنىڭ كومانديرى گۆارديا اعا لەيتەنانتى ولجاس قۋاندىقوۆ ۇزدىك بولىپ تانىلدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار