2019 جىلى «تسيفرلى قازاقستان» مەملەكەتتىك باعدارلاماسىن ماڭعىستاۋ وبلىسى بويىنشا ىسكە اسىرۋ كەلەسى باعىتتاردا جۇرگىزىلگەن:
ءبىلىم بەرۋدى تسيفرلاندىرۋ سالاسىندا «mektep.edu.kz» اقپاراتتىق جۇيەسىنە (ەلەكتروندى جۋرنالدار مەن كۇندەلىكتەر جۇيەسى) وبلىستاعى 143 مەكتەپ قوسىلسا (100%), ماڭعىستاۋ وبلىسىنىڭ «ەلەكتروندىق كوللەدجى» اقپاراتتىق جۇيەسىنە وبلىستىڭ 27 كوللەدجى قوسىلعان (100%).
-بۇگىنگى كۇنى ينتەرنەتكە كەڭ جولاقتى قولجەتىمدىلىكتى قامتاماسىز ەتۋ 100% قۇرايدى, ينتەرنەتتىڭ ۇزدىكسىز جۇمىسى قامتاماسىز ەتىلگەن, دەدى ايماق باسشىسى.
ال, دەنساۋلىق سالاسىندا 80 دەنساۋلىق ساقتاۋ نىسانى 100%-عا ينتەرنەت جەلىسىنە قولجەتىمدىلىكپەن قامتاماسىز ەتىلسە, 36 مەديتسينالىق ۇيىم (ونىڭ ىشىندە 7 جەكە مەكەمە) مەديتسينالىق اقپاراتتىق جۇيەمەن 100% قامتىلعان. 26 مەملەكەتتىك مەديتسينالىق ۇيىمنىڭ 26-ى (100%) ءىشىنارا قاعازسىز قۇجات اينالىمىنا كوشىپتى. «DamuMed» ءموبيلدى قوسىمشاسىن پايدالانۋشىلار سانى-158494 ادامعا جەتكەن.
اۋدانارالىق (وبلىسىشىلىك, قالاارالىق) جانە قالالىق مارشرۋتتاردىڭ بارلىق اۆتوبۋستارى مەن شاعىن اۆتوبۋستارى سپۋتنيكتىك GPS-ناۆيگاتورلارمەن جابدىقتالعان, «InfoBus.kz» موبيلدىك قوسىمشاسى جۇمىس ىستەيدى. اقتاۋ قالاسىنداعى بارلىق قالالىق جانە قالا ماڭىنداعى اۆتوبۋستار قولدانىسقا بەرىلگەن «BusReport» ديسپەتچەرلىك جۇيەسىنە قوسىلعان.
-جول ءجۇرۋدى تولەۋدىڭ ەلەكتروندىق جۇيەسى» جوباسىن ىسكە اسىرۋ «ماڭعىستاۋ وبلىسىنىڭ اۆتوبۋس پاركىن جاڭارتۋ» سالالىق جوباسىمەن بىرگە جۇزەگە اسىرىلادى. قازىرگى ۋاقىتتا پيلوتتىق رەجيمدە قالالىق مارشرۋتتاردىڭ 4 اۆتوبۋسىنا ۆاليداتورلار ورناتىلدى, دەدى س.ترۇموۆ.
تۇرعىن ءۇي-كوممۋنالدىق سالانى تسيفرلاندىرۋ اياسىندا بۇگىنگى كۇنى اقتاۋ قالاسىنىڭ 646 ۇيىندە دەرەكتەردى بەرۋ مۇمكىندىگى بار 734 جىلۋ ەسەپتەگىش ورناتىلعان. قالانى تولىق قامتۋ ءۇشىن 2019 جىلى كاسىپورىندار قاراجاتى ەسەبىنەن 57,7 ملن تەڭگەگە 107 بىرلىك جالپى ۇيلىك جىلۋ ەسەپتەگىشتەر ساتىپ الىنعان. 2020-2021 جىلدارى قالعان 198 جىلۋ ەسەپتەگىشتەرى ورناتىلادى دەپ كۇتىلۋدە.
قاۋىپسىزدىك سالاسىندا «اقتاۋ قالاسى بويىنشا بەينەباقىلاۋ جۇيەلەرىن ەنگىزۋ جانە قىزمەت كورسەتۋ» مەملەكەتتىك-جەكەشەلىك ارىپتەستىك جوباسى ارقىلى جۇزەگە اسىرىلۋدا. جوباعا سايكەس, جەدەل قىزىعۋشىلىق تانىتاتىن فوتوەسەپتەر بويىنشا ادامداردى جانە اۆتوكولىك قۇرالدارىنىڭ مەملەكەتتىك نومىرلەرىن تانۋ فۋنكتسياسى بار 600 كامەرانى ورناتۋ جوسپارلانۋدا.
-كامەرالار قوعامدىق ورىنداردا, ءىرى ساۋدا-ويىن-ساۋىق ورتالىقتارىندا, وبلىس ورتالىعىنىڭ اۋەجايىندا جانە ماڭعىشلاق ستانساسىنىڭ تەمىرجول ۆوكزالىندا ورناتىلادى. بەينەباقىلاۋ كامەرالارىنان بەينەلەر جەدەل باسقارۋ ورتالىعى وپەراتورلارىنىڭ پۋلتىنە جانە ۋچاسكەلىك پوليتسيا پۋنكتتەرىنە شىعارىلادى», - دەدى وبلىس اكىمى سەرىكباي ترۇموۆ.
اقتاۋداعى جاڭا جاعالاۋ مەن 15 شاعىناۋداندا پيلوتتىق جوبا رەتىندە بەينەنى جوعارى ساپادا كورسەتەتىن (Full HD) باقىلاۋ كامەرالارى مەن جەدەل تۇردە ادامداردى سۋرەت ارقىلى تانيتىن, ال اۆتوكولىكتەردى مەملەكەتتىك نومىرلەرى بويىنشا تانۋ فۋنكتسياسى بار 10 جوعارى جىلدامدىقتى بەينەكامەرالار ورنالاستىرىلعان.
