«جىلى جاعاجاي» اۋماعىندا «AKTAU RESORT HOTEL» كوپفۋنكتسيونالدى تۋريستىك قوناق ءۇي كەشەنىنىڭ قۇرىلىسى 2019 جىلدىڭ ماۋسىم ايىندا باستالعان ەدى. قازىرگى تاڭدا قۇرىلىس جۇمىستارىنىڭ 30% اياقتالدى. قۇرىلىس باسىندا 750 ادام ەڭبەكتەنۋدە. تۋريستىك نىساننىڭ 1-كەزەڭىن 2020 جىلدىڭ ماۋسىم ايىندا اياقتاۋ جوسپارلانۋدا. مۇندا ناۋرىزدان باستاپ قازان ايىنا دەيىن كاسپيدىڭ ءمولدىر سۋىنا ءتۇسىپ, قۇمىنا قىزدىرىنۋعا بولادى. اكۆاپارك پەن اشىق باسسەيندەر ارنايى قۇرىلعىنىڭ كومەگىمەن جىلىنباق. قوناقۇي كەشەنىنىڭ جالپى اۋماعى 130 گەكتار. كۋرورتتىق ورتالىق ىسكە قوسىلعان سوڭ 750 ادام تۇراقتى جۇمىسپەن قامتىلادى.
جوبانى ىسكە اسىرۋشىلار تۋريستىك كەشەندە جۇمىس ىستەيتىن مامانداردى دايارلاۋ ىسىنە وراي وبلىس اكىمدىگىمەن كەلىسىم جاسادى. وتكەن جىلدىڭ جەلتوقسان ايىندا ماڭعىستاۋ تۋريزم كوللەدجى بازاسىندا قوناق ءۇي بيزنەسى جانە مەيرامحانا ءىسى ماماندىقتارى بويىنشا «Rixos Aktau Training Aسademy» باعدارلاماسىمەن اقىسىز نەگىزدە قىسقا مەرزىمدە كادرلاردى وقىتۋ باستالدى. 400 مامان 1 ايلىق كۋرستان ءوتىپ, سەرتيفيكاتتارعا يە بولدى. بۇگىندە كادرلاردى دايارلاۋ جۇمىستارى جالعاسۋدا. 2020 جىلدىڭ مامىر ايىنا دەيىن 1200-دەن استام ادامدى وقىتۋ جوسپاردا بار.
2019 جىلدىڭ كۇزىندە «قاراپايىم زاتتار ەكونوميكاسى» باعدارلاماسى اياسىندا اقتاۋ قالاسىنداعى «سامال» قوناق ءۇيىن «Holiday INN» قوناق ءۇي كەشەنى برەندىمەن قايتا قۇرىلىمداۋ جوباسى جۇزەگە اسىرىلدى. ناتيجەسىندە قوناق ءۇي كەشەنى 4 جۇلدىزدى «Holiday Inn-Aktau-Seaside» اتاۋىمەن اشىلدى. ينۆەستيتسيا كولەمى بارلىعى 2,5 ملرد.تەڭگەنى قۇراعان, اتالعان جوبا 35 جۇمىس ورنىن اشتى. سونداي-اق, قوناق ءۇي اۋماعىندا اكۆاپارك قۇرىلىسىن سالۋ جۇمىستارى جۇرگىزىلۋدە.
