«قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025 جىلدارعا ارنالعان» مەملەكەتتىك باعدارلاماسىنا كاسپي تەڭىزىنىڭ جاعالاۋىندا تەڭىز كۋرورتىنىڭ ينجەنەرلىك-كوممۋنيكاتسيالىق ينفراقۇرىلىمىن دامىتۋ بويىنشا ءىس-شارالار ەنگىزىلدى.
جەرگىلىكتى بيۋدجەت قاراجاتى ەسەبىنەن اقتاۋ مەن قۇرىق پورتى ارالىعىنداعى تەڭىز جاعالاۋىنىڭينفراقۇرىلىمىن دامىتۋ, ونىڭ ىشىندە ەلەكتر قۋاتىمەن, سۋمەن, گازبەن قامتۋ جانە اقتاۋ قالاسىنان «الاۋ» بالالاردى ساۋىقتىرۋ لاگەرىنە دەيىنگى 4 جولاقتى قوزعالىستاعى, ودان ءارى قۇرىق پارومدىق كەشەنىنە دەيىنگى 2 جولاقتى قوزعالىستاعى اۆتوجولدىڭ قۇرىلىسىن سالۋ جانە قايتا قۇرىلىمداۋ بويىنشا قارقىندى جۇمىستار جۇرگىزىلۋدە.
«نۇر-كاپيتال» مەملەكەتتىك باعدارلاماسىنىڭ 30 ملن تەڭگە كولەمىندەگى قولداۋى جانە كاسىپكەردىڭ جەكە قاراجاتى ەسەبىنەن 2019 جىلدىڭ كوكتەمىندە شەتپە سەلوسىندا ء«ساتتى» كەمپينگ كەشەنى اشىلدى. ينۆەستيتسيا كولەمى – 160 ملن. تەڭگەنى قۇراپ, بارلىعى 41 جۇمىس ورنى اشىلدى.
بىلتىر ماڭعىستاۋ وڭىرىنە كەلگەن ساياحاتتاۋشىلاردىڭ سانى 200 مىڭنان استى. ايماقتا تۋريستەرگە قىزمەت كورسەتەتىن 90 قوناقۇي بار. وتكەن 2018 جىلدىڭ 9 ايىمەن (3,9 ملرد تەڭگە) سالىستىرعاندا, بىلتىر كورسەتىلگەن قىزمەت كولەمى 4,1 ملرد تەڭگەنى قۇراپ, 104,3%-عا ءوستى.
ماڭعىستاۋ وبلىسى
