شالعايدا ورنالاسقان بەينەۋ اۋدانىنىڭ ەسەت, تولەپ, سارعا, بەينەۋ اۋىلدارىن سۋمەن جابدىقتاۋ قۇرىلىسىن جانە قاراقيا اۋدانداعى سەنەك, قۇلاندى اۋىلدارىندا سۋ سورعى ستانتسياسىن, تۇپقاراعان اۋدانى تاۋشىق اۋىلىن, ومىرزاق اۋىلى پريمورسكي تۇرعىن ءماسسيۆىن, مۇنايلى اۋدانى باسقۇدىق اۋىلىن سۋمەن جابدىقتاۋ جەلىلەرىن سالۋ تولىق اياقتالدى. بۇل تۋرالى حالىق الدىندا قورىتىندى ەسەپ بەرگەن وبلىس اكىمى سەرىكباي ترۇموۆ مالىمدەدى.
جۇرگىزىلگەن جۇمىستاردىڭ ناتيجەسىندە سۋمەن قامتاماسىز ەتۋ كورسەتكىشى 69%-75,86 % ارتتى. تۇتاستاي العاندا 2019 جىلى 327,7 كم سۋمەن جابدىقتاۋ جەلىلەرى مەن 52,68 كم سۋ بۇرۋ جەلىلەرى سالىندى. ەلەكترمەن جابدىقتاۋ توراپتارىنىڭ جالپى ۇزىندىعى 11 349,2 كم قۇرايدى. جوسپارلانعان 943,3 كم جەلىلەرىنە جوندەۋ جۇمىسى 100% ناقتى ورىندالدى. وبلىس بويىنشا جىلۋمەن جابدىقتاۋدىڭ جالپى ۇزىندىعى 772,9 كم قۇرايدى. جوسپارلانعان 12 كم جىلۋ توراپتارىن جوندەۋ 100 % ورىندالدى.
2019 جىلدىڭ قورىتىندىسى بويىنشا جىلۋمەن جابدىقتاۋ توراپتارىن جاڭعىرتۋدىڭ ۇلەسى – 1,5%, ەلەكترمەن جابدىقتاۋ – 8,3% جانە گازبەن جابدىقتاۋ – 2,5% قۇرادى.
