قاراقيا اۋدانىندا جۇمىسسىزدىق ماسەلەسىمەن كۇرەس ماقساتىندا, «قازمۇنايگاز» جانە «لۋكويل» كومپانيالارى مەن بىرلەسە وتىرىپ, قاراقيا اۋدانىنا جاقىن ورنالاسقان سۋ قورى اۋماعىندا گەولوگيالىق بارلاۋ, بۇرعىلاۋ جۇمىستارىن جۇرگىزۋ تۋرالى ينۆەستيتسيالىق جوبا ىسكە اسادى. قۇرىقتان باستاۋ الىپ, كەندىرلى اۋماعىنا دەيىن سوزىلاتىن جوبا اياسىندا شامامەن 2500-4000 جۇمىس ورىنى اشىلادى دەپ كۇتىلۋدە.
-بۇل ارينە تشو جوباسى اياقتالىنا بايلانىستى, «ەرساي» كومپانياسىنان جۇمىستان قىسقارتىلعان تۇرعىندارى بار ءبىزدىڭ اۋدان ءۇشىن «ىزدەگەنگە سۇراعان» جاڭالىق بولدى, دەيدى قاراقيا اۋدانى اكىمى قىدىربەردى بەكوۆ.
ايتا كەتەيىك, بۇگىنگى تاڭدا قاراقيا اۋدانى بويىنشا 2135 جۇمىس جاساپ تۇرعان كاسىپكەرلىك سۋبەكتىلەرىندە جۇمىسپەن قامتىلعان ازاماتتاردىڭ سانى 4 مىڭعا جۋىقتادى. 2019 جىلى «بيزنەستىڭ جول قارتاسى-2020» بيزنەستى قولداۋمەن دامىتۋدىڭ بىرىڭعاي بادارلاماسى ارقىلى ەكىنشى دەڭگەيلى بانكتەردەن 12 كاسىپكەر 227,5 ملن تەڭگەگە نەسيە الدى. ناتيجەسىندە 15 جۇمىس ورنى اشىلعان.
بۇگىنگى تاڭدا قاراقيا اۋدانىندا ازاماتتاردىڭ بارلىق ءوتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرىلعان. سونىمەن بىرگە, اشىقتىقتى قامتاماسىز ەتۋ ءۇشىن «قاراقيا ادالدىق الاڭى» جوبالىق ءوفيسى اشىلعان.
ماڭعىستاۋ وبلىسى
