اۋداندا بارلىق سالالاردا جوعارى كورسەتكىشتەرگە, جاقسى ناتيجەلەرگە قول جەتكىزىلدى. اۋدان تۇرعىندارىنىڭ سانى 39 مىڭنان استى. الەۋمەتتىك - ەكونوميكالىق دامۋ كورسەتكىشتەر وتكەن جىلدارمەن سالىستىرعاندا ءبىرشاما ءوستى.
«جۇمىلا كوتەرگەن جۇك جەڭىل» دەمەكشى, تۇرعىنداردىڭ اتسالىسۋىمەن كوپتەگەن قىزمەتتەر اتقارىلدى. اتاپ ايتساق, 4 پاتەرلى باسپانا بوي كوتەرىپ, تۇرعىن ۇيگە اسا مۇقتاج وتباسىلارعا تارتۋ ەتىلدى. اۋدان ورتالىعىنىڭ اباتتانۋى مەن تازالىعى تۇرعىندارمەن بىرلەسە وتىرىپ جۇرگىزىلدى.
سونىمەن قاتار تۇرعىنداردىڭ تالابىمەن شەتپە اۋىلى ماڭىندا ورنالاسقان كارەرلەردىڭ تاس ۋاتۋ قوندىرعىسىن كوشىرۋ جۇمىستارى زاڭ تالاپتارىنا ساي ورىندالۋدا. الداعى جىلدان دا كۇتەرىمىز مول. جىل ىشىندە كوپتەگەن الەۋمەتتىك, كاسىپكەرلىك نىسانداردى اشىپ, تۇرعىندار يگىلىگىنە پايدالانۋعا بەرۋ جوسپاردا بار, - دەدى ماڭعىستاۋ اۋدانىنىڭ اكىمى ت.كوشماعانبەتوۆ.
ەسەپ بەرۋ كەزدەسۋىنەن سوڭ وبلىس اكىمى سەرىكباي ترۇموۆ ءسوز سويلەپ, تۇرعىندار ساۋالىنا جاۋاپ بەردى جانە اۋدان اكىمىنە بىرقاتار تاپسىرمالار بەرىپ, جيىندى قورىتىندىلادى.
