ستاتيستيكالىق مالىمەتتەرگە سايكەس, وسى كەزەڭدە بارلىعى 21 655 ءىس قارالىپ اياقتالعان, بىلتىر اياقتالعان ىستەردىڭ سانى 36 434 بولاتىن, ياعني بارلىق اياقتالعان ىستەردىڭ سانى 14 779 داناعا ازايعان.
2 191 ءىس تاتۋلاستىرۋ راسىمدەرىن قولدانۋ ارقىلى قىسقارتىلعان. ولاردىڭ ىشىندە 351 ءىس بىتىمگەرشىلىككە كەلۋ ارقىلى اياقتالعان. بىلتىر, ياعني 2018 جىلى 1 549 ءىس تاتۋلاستىرۋ راسىمدەرىن قولدانۋ ارقىلى اياقتالعان, ياعني بۇل كورسەتكىش 642 داناعا وسكەن. ولاردىڭ ىشىندە 1 834 ءىس مەدياتسيا تارتىبىمەن اياقتالعان. پارتيسيپاتيۆتىك كەلىسىمگە كەلۋ ارقىلى 6 ءىس قارالعان, بىلتىر دا 6 ازاماتتىق ءىس پارتيسيپاتيۆتىك تارتىپتە قارالعان بولاتىن.
ەسەپتى كەزەڭدە اقتاۋ قالاسىنىڭ مامانداندىرىلعان اكىمشىلىك جانە وبلىستىڭ اۋداندىق سوتتارىنا بارلىعى 14 696 اكىمشىلىك ءىس تۇسكەن, ولاردىڭ 14 381-ءى قارالعان. بىلتىر سوتتاردا 17 243 ءىس قارالعان بولاتىن, ياعني قارالعان ىستەردىڭ سانى 2 862 داناعا ازايعان.
سونىمەن قاتار ازاماتتىق ىستەر جونىندەگى سوت القاسىنىڭ توراعاسى نۇرساپا پريماشەۆ جيىنعا قاتىسۋشىلارعا سوت اكتىلەرىنىڭ ساپاسىن ارتتىرۋ, تالاپقا سايكەس بولۋىن قامتاماسىز ەتۋدى قاتاڭ تاپسىردى.
