سونداي-اق اۋدان بويىنشا ورتالىقتاندىرىلعان اۋىز سۋمەن قامتۋ بۇگىنگى كۇنى 95 % قۇراپ وتىر. ال ەلدى-مەكەندەردىڭ كوشەلەرىن جارىقتاندىرۋعا 147 ملن تەڭگە ءبولىنىپ, ءتيىستى جۇمىستار جۇرگىزىلدى. جۇمىسپەن قامتۋ ماسەلەسى بويىنشا 2 662 جاڭا جۇمىس ورىندارى قۇرىلىپ, 2138 – تۇراقتى, 524 - ۋاقىتشا جۇمىسقا ورنالاستى. بۇگىنگى كۇنى 2135 جۇمىس جاساپ تۇرعان كاسىپكەرلىك سۋبەكتىلەرى ارقىلى ءتورت مىڭعا جۋىق ادام جۇمىسپەن قامتىلدى. بيزنەستى قولداۋمەن دامىتۋدىڭ بىرىڭعاي باعدارلاماسى ارقىلى ەكىنشى دەڭگەيلى بانكتەردەن 12 كاسىپكەر 227,5 ملن تەڭگەگە نەسيە الدى. ناتيجەسىندە 15 جۇمىس ورنى اشىلدى.
قاراقيا اۋدانىنىڭ بيىلعى جىلعى جوسپارى – نىق, ماقساتى – ايقىن. جۇمىسپەن قامتۋ, مال شارۋاشىلىعى, كاسىپكەرلىك سالالارىندا قوردالانعان ماسەلەلەر تالقىلانىپ, تۇرعىندار تاراپىنان تۇسكەن وتىنىشتەردى ەسكەرۋگە ۋادە ەتتى.
قورىتىندى جيىننان سوڭ, اۋدان اكىمى تۇرعىندار تاراپىنان تۇسكەن ساۋالدارعا جاۋاپ بەرىپ, ءوڭىر باسشىسى جيىندا كوتەرىلگەن ماسەلەلەردىڭ جۇزەگە اسىرىلۋ بارىسىن ءوزى قاداعالايتىنىن جەتكىزدى. الدا مەجەلى جۇمىستاردى كەزەڭ-كەزەڭىمەن جۇزەگە اسىرۋ جالعاسا بەرمەك.
