قاراقيا - وڭىردەگى قارقىندى دامىپ كەلە جاتقان اۋداندار قاتارىندا. وتكەن جىل قاراقيالىقتار ءۇشىن ناتيجەلى بولدى. اسىرەسە, اۋىل شارۋاشىلىعى كەڭ ەتەك جايعان. بۇل سالاعا تارتىلعان ينۆەستيتسيا كولەمى 2018 جىلمەن سالىستىرعاندا بىرنەشە ەسەگە ارتقان. «الداعى جىلى فەرمەرلىك جىلىجايلار كولەمىن 1,5 گەكتارعا ارتتىرۋدى جوسپارلاپ وتىرمىز», - دەدى اكىم ءوز سوزىندە.
«اگرارلىق نەسيە كورپوراتسياسى» بويىنشا دا وڭ وزگەرىستەر بايقالادى. 3 جوبا ىسكە اسىپ, ناتيجەسىندە شارۋا قوجالىقتارى 70 باس بوتالى تۇيە, 78 باس جىلقى, 30 بوتالى تۇيە ساتىپ العان. جايىلىمدى سۋلاندىرۋ ماقساتىندا «اگروبيزنەس-2020» باعدارلاماسى اياسىندا 206,2 ملن تەڭگەگە 58 قۇدىق قازدىرىلىپ, قوجالىق يەلەرى 155,3 ملن تەڭگەگە 80 پايىزدىق سۋبسيديا جەڭىلدىگىن پايدالاندى. سۇرانىسقا ساي جاڭا عيماراتتار بوي كوتەرىپ, الەۋمەتتىك نىساندار كۇردەلى جوندەۋدەن ءوتتى.
ەلدى-مەكەندەرگە اۋىز سۋ تارتىلىپ, ءبىلىم مەكەمەلەرى كەڭجولاقتى ينتەرنەتپەن 100% قامتىلدى. اۋداندىق قازىناعا 13,5 ملرد تەڭگە ءتۇسىپ, كىرىستەر 101,1% ورىندالدى. بيىل اۋدان حالقىنىڭ سانى 38100 ادامعا جەتىپ, 1,3% كوبەيدى.
